Ahaylawotho d’Qasad maklale hçomo barbroyo ma ğrube marhıbone d’Dacış

A hayle dilonoye da Haylawotho d’Suriya Demoqratoyto, maxlaslın a comure di mdito d’Raqqa, mu plan dıhçomo barbroyo ma ğrobe marhıbone d’Dacış.

Bi maqırhonutho dfriso me QASAD mawdıc, di krılto da marhıbone kımtaybowa ruha dımfarqıco radoyto mlitho foqucotho bıgawe di mdito d’Raqqa.

​​​​​​​Bi maqırhonutho dfrısle u qentrun du tbocofroso da Haylawotho d’Suriya Demoqratoyto, maglele cala detaje du cuqobo dsımlın a haylawothathe a dilonoye bıthır mıd qadiri dmaklın krılto d’Dacış, dımtaybo furqoco rabo u qaşyo beyn da mdinoye d’Raqqa.

QASAD mırle; 1 bu yarhano a hayle dilonoye sımwolın cuqobe casye cala krılyotho da ğrobe marhıbone bi mdito d’Raqqa. Bu taro da tebe dmatilan ma istixbarataydan, qadırina dım’akdina, di krıltathe, mhaydarwola ruha dımfarqıco radoyto mlitho foqucotho bi mdito-dkıtyo hdo ma dukotho du qlimo dkiba ğalabe camo.

U qentrun d’QASAD mırle; Bu zabno da cuqobani, nafıq taxtuşe beyn da Mharbonaydan uda marhıbone ubi netiçe qtil 2 menaye u mfarqaclan i radoyto u msıklan 3 marhıbone. Ha ma marhıbone dqtil, kıtocın i mşalutho da furoqce dhawın b’dukotho frişe du qlimo. Yawme d’Şabtho dşafıcina’ste, dımsıklan marhıbono d’Dacış dkıtwe hfito bu syomo da foqucotho ubu nqolathe la krılyotho d’Dacış dkıtne bi Hasake u b’Deyr Ezzor.

Bıthır mıd a hayle Turkoye wa marhıbonathe kbışwolın Tel Abyad u Rişcayno, mhathathe u tukoso marhıbono d’Dacış u haylayde u kmıstacmıl a dukothani xıd nuqazyotho di hedriye du tuyobo d’hçome marhıbone.

Camgabıdathe, i mşatasto da zedqe noşoye d’Suriya  mawdacla du koalisyon emwothoyo manhatle mıhdo tayisyo du qrobo grub d’folhe komandos dsımlın cuqobo cal marıhbone dı Dacış bi qritho d’Şınena hedor di mditho d’Raqqa. Bu cuqobano, u grub du komandos msıklın tre ma rişone du tukoso dı Dacış cam kmo neşe marıhbone. Bu cuqobano ste qtil farsufo mdinoyo dkıtwe qariwo mi duktho dsim eba u cuqobo cala rişone dı Dacış.