Al Sisi u Trump b’awyuthone laşan şalyuthzeyno b’Libya

U qrobo d’Libya, hawi u wahdo dkımjarbi a hayle, u haylo dıhdode wu kul ha menaye, mın falqo gıdmoyıd mi tlamtho du lahmo dkito.

 Bi sbuthathe mid fusqono dmitahwe fsoso l’Mısır dcobır bu qrobano wu rişono Trump u wu rişqutno al Sisi drışlın u terkiwo di şalyuthzayno b’Libya.Almanyaste mawdacla gıdmahto tedbire cal kull şırke dıkmacıbro zayne l’Libya wu Qatar, Turkiya wi şultonutho d’Fayez al Sarraj’ste drışlın i aykanoyutho d’Libya.

 Bıthır mu cboro d’Turkiya bu qrobo d’Libya u dımşarela dımşadro a marhıbone dkıtla b’Suriya lu qrobo d’Libya leşan u snodo di şultonutho d’Fayez al Sarraj, mşarelın a hayle d’athrawotho mşahılfe dımdaxli bu krizano. Mısır dkıtyo şbobo cam Libya mawdacle, dıksonıd a hayle d’Khalifa Xaftar.

Bıthır mu talab di şultonutho d’Haftar, u parlemento d’Mısır fsıqle dobe fsoso lu rişqutno Abdul Fatah al Sisi d’macbır hayle l’Libya en Turkiya dımnasyo dmaydo Sirt u hedora. Bıthır mu fusqonano, u rişono d’Amerika Donald  Trump hawile knuşyo camu rişqutno Mısroyo bi sbuthathe d’Libya.

Lfuth i mawdconutho dfriso me Mısır, Trump mwasafle i klayto d’Mısır bi sbutho d’Libya u drışlın aydarbo kibın dımamni i şalyuthzayno d’Libya, u dsaymi fulhone leşan thinutho du athro. Me gabo hreno u waziro du sutoro d’Turkiya, d’Qatar wu wasiro di gawoyutho di şultonutho d’Sarraj, hawilin droşo bi sbuthathe. Bhaq du droşano mın mıttfaqlın latyo qriho elo mede dkıtyo idico-da hayle sanode d’Sarraj’ne.

bebzabno Almanya huwla maqırhonutho naşıfto wu waziro di baroyutho Haiko Maas bi maqırhonutho dhuwle mırle; Bıthır mucdo, mın şırke dımşadro zayno lu athro d’Libya gıdmahitinala bi lohithaydan i kımto u gıdmaydina tedbire yaqure mqabıl dıthe. Bıthır mu ittifaq dhawi beyn da rişone d’Almanya İtalya u Fransa, kull şırke aw farsufe dtawri u embargano da zayne dkito cal libya klozım dmitahıt bi lohithathe.