Amerika mahıtla mşale İranoye bi lohitho kımto

Amerika, mahıtla mşale frişe du İran; beynothaye u waziro di gawoyutho du athro, bilohithayda i kımto.

 Woşington thımla a mşale İranoye, bu dyoşo da zedqe noşoye bu zabno da tagliyotho dsimiwo bu athro.

 İ şultonutho Amerikoyto, mahıtla tedbire jıddi calu waziro di gawoyutho du İran u thımla bi sawco dkıtle ba dacwat du duyoşo da zedqe noşoye. Mawdıc du waziro di gawoyutho Abdulreza Rahmani Fazli, huwole amro la powelıs İranoye, dmıstacmıli haylo mqabıl da mtagliyone saqıbloye di şultonutho d’Tehran.

 I wazirutho di Xazina wu waziro di baroyutho d’Amerika m’akadlın, ba hçomani dsimiwo cala mtagliyone bu yarho d’Teşrin u haroyo dı şafıcina, qtılwo mınyono celoyo dıbnaynoşo; beynothaye 23 dkıtwın bı cımro nacimo. Camgabe du waziro di gawoyutho, mahıt’ste tedbire calu mşalo da powelıs du İran Hussein aştari Fard ucalu rişono qlimoyo da hayle du Qawmo uğer.

 Ba tedbirani d’Amerika, maçmıdi a zuze da farsufani dkıtne larwal u mahıt mnoco cala Amerikoye dhowelın esore acmaye. I m’watyutho beyn Amerika u İran qaşyo bıthır mıd u rişono Amerikoyo grışwo ba 2018 mu qyomo da zayne nukleer du İran wa tedbire momunoye frişe dmahtiwole calu İran.