Amerika mahwela ilo thnihutheyda mqabıl du şqolo d’S-400 d’Turkiya me Rusya

Amerika mawdacla dlatyo thnihoyto me Turkiya bi sbutho du şqolo du sistem da soruhe Rusoye S-400.

 Camgabıdathe, Amerika mawdacla dkıbco dımqadmo mcadronutho noşoyto l’Turkiya bi sbutho d’İdlib.

 U mathlono dilonoyo d’Amerika bu athro d’Suriya James Jeffrey, mawdacle du şqolo dı Turkiya lu sistem da soruhe di mudafaca Rusoyto S-400, kımmathıl mabco dilo thnihutho rabtho laşan Amerika.

U mamlano sımle Jeffrey b’İstanbul meqım kmo şoce mi ytawto dhawyo adyawma bayn Putin u Erdoğan.

Meqım şabtho, Turkiya tlıbwola m’Amerika dımşadrola batariyat da soruhe d’Patıryot laşan dsaymo u sutoro da haylawothayda bi fnitho d’İdlıb bu garbay macırbo d’Suriya.

Meqım matheste, mşale Amerikoye mzaharwolın Turkiya m’Rusya cal dlatyo şoriko dkibe tuxlono l’zabno yarixo.

Be bzabno, Jeffrey mawdacle d’Waşington ksaymo hboso cala n’Urifoye laşan dımcadri dmımte l’qyomo towo bi sbutho d’Suriya.

Jeffrey mathkarleste d’Amerika mawdacla l’Turkiya dkıbco dımqadmo mcadronutho noşoyto bi sbutho d’İdlıb, ube bzabno ksaymo hboso cal Urifi laşan dmıştawtıfo hiyaste bı mcadronutho rabtho.