Amerika mşadarla sfitho du qrobo lu Yawnan

Bıthır mi mwatyutho dhawi bu yamo Mescoyo beyn Turkiya wa athrawotho hadome d’Urifi, Amerika mşadarla hıdo ma sfinothayda a rabe du qrobo lu yamo Mescoyo.

 İ sfitathe d’USS matyo li gozarto d’Girit du Yawnan.

 Hani zabno yarixo kito mwatyutho beyn d’Turkiya u du Yawnan cal man kıtle zedqe dkorıx calu nafto bu yamo Mescoyo, dıkmasır Turkiya, Yawnan, Qufrus u ğer athrawotho hedor u yamano.

Bıthır mıd qaşın a mele wu mahwo u şqolo beyn da athrawotho d’Urifi u d’Turkiya, Amerika huwola maqırhonwotho dıklozım dmitarkıw nihutho u dmitanhıt u tansiyon du mahwo u şqolo. Elo bıthır mıd mdawamla i mwatyuthathe u Amerika mşadarla hıdo ma sfinothayda lu qlimo, leşan dgurşo u zuhoro da hayle dkıtlın asirutho bi sbuthathe.

İ sfitho d’USS Hershel Woody Williams dkıtyo hıdo ma sfinotho rabe du qrobo d’Amerika, adyawma matyo lu yamo u rakiwo bi gozarto Girit du Yawnan.

İ sfithathe dkıtyo 230 metrowiye yarıxto, kiba nuqazto folhoyto dkiba b’surhobo dımcadro bu haqlo folhoyo.

Bhaq di sbuthathe amşale Amerikoye lo mawdaclın i sfitathe mıqa zabno gıdfayşo bi gozartathe. Bi mawdconutho dhulın amşale d’Qufrus u du Yawnan mawdaclın, dhınne tlıbwolın mcadronutho u hathe athyo xıd mcadronutho elaye.