Amşale du gabo d’AKP khozın fsoso bruhaye dımhaqri kul man dkıbci

Bu zabno haroyo amşale du gabo d’AKP khozın fsoso cam ruhaye dkibın dımhaqri cal kulman dsoyamlın sturyo awste kmahwe dkito ciqutho ma şuşote dlımalği xıdu mede dıklozım.

 Mathlo lu medano u waziro Soylu bıthır mıd sımwole haqara calu qoyumo du gabo da falohe Barış Atay ucdo sımle tahdid, u me gabo hreno u qoyumo d’AKP mhaqarle cala nacime du rişono catiqo di HDP Selahatin Demirtaş.

U qoyumo du gabo d’AKP Tamer Akkal dkıtyo qoyumo me Manisa bi dafeyde du Twitter, frısle mawdconutho dkımhaqır bı bişutho a nacime du rişono catiqo du gabo demoqaratoyo da came HDP Selahatin Demirtaş dmırle; U kalbo d’Sılo lıqodır hoze a farxayde, a nacime da sohdeydanste lı qudri dhozın a nacimathe ya Aloho gıdobe alxun ya elayna. Ba haqarathe dkıtne lo noşoye, u qoyumo du gabo d’HDP lo belhude kımhaqır i iqartho du myaqro Selahatin Demirtaş elo kımhaqır i noşutho kula.

Megabo hreno u waziro di gawoyutho d’Turkiyaste kımdawım ba haqarat u ba tahdide dıksoyım calu qoyumo du gabo da falohe Barış Atay. Bi sbuthathe lfuth u tboco froso d’Turkiya msik 3 farsufe dı hçımwolın calu qoyumo Atay bıthır mıd u waziro Soylu mahwewole nişo u mhaqarawole acle.

Bıthır mıd magle du qoyumo du gabo d’AKP Tamer Akkal sımle haqqara cali noşutho mawdacle dılo hiye kıthuwle i kthawto elo ha ma mşawronayde kıthwole. Hın ma folitiqoye kımmi aydarbo kibe dhowe hawxa ha ma mşawrone du qoyumo dkibe kothuw hawxa haqara bişto.