Amtagılyone me hatho nafiqi la şuqone bu athro du Iraq
Bıthır mıd mşatso i şıltonutho du Iraq bi rişonutho du rişwazire Mustafa Elqademi amtagılyone naqqa hreto nahiti la şuqone u mahwelın u hfuxyathe.
A mtagılyone bu darğo qamoyo i bocuthathe dmitarfın a hawronathe a mtagılyone dımsiki mu yawmo qamoyo hul ucdo dmitarfın hire.
A mtagılyone du Iraq maclewolın qolaye lıbritho u hawilın darqublo qawyo dhawın celtho dmişatıs şıltonutho dkıtyo ucdo maqbalto me ğalabe xasawır.
Elo ucdo bıthır mıd mşatso i şıltonutho naqqa hreto nahiti la şuqone ba mdinotho sagiye du athro du Iraq xıd Boğdod, Bobel, Basra, Kerbela u mdinotho hrene.
A mtagılyone ucdo ibocutho qamayto dkıtlın dmitarfın a hawronathe dımsikiwo mu yawmo qamoyo dımşarelın atagılyotho hul adyoma. A mtagılyone ba zacqathe mırlın u rişwazire Alkadimi klozım mamte u şudoyo dkıtle la haye dmarfe a matagılyone dkıtne ba hbuşye kule, dılo gımdawmi ba tagılyotho hul dmitamtiyo i bocuthathe la haye.
Bu şıkılano naqqa hreto a mtagılyone du wahdo d’Tahrir d’Boğdod mahwelın u sıbyonathe li şıltonutho hathto dhawyo.
Be bzabno hano zuhoroyo li şıltonutho dmızdahro mu fasad u mu gnowo da zuze du athro.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
