B’gedsho d’radoyto 4 nacime du cameydan qtili
Adyawma farsufo dkıtwe şatyo qlıcle cal ghrub d’tloye du camaydan, dmıştacan’wo qum gantho dkıtwa qarıwto lu darbo da radoyotho.
3 zcure me hdo iqartho du camaydan mvayaclın a hayathe wu ahunathe mjarıh. Gawonoyith qtili 4 zcure wu 4 hrene mjarhi u nqili la bethkrihe.
Bı Oatlands d’Sydney d’Australia, qaloco di radoyto dkıtwe şatyo qtile athmıl 4 zcure du camaydan wu 4 hrene mçarhi. Lfuth u tbocofroso d’Australia dhule duktho rwıhto calu qatlo da zcurani, bu zabno da nacime mhalxiwo cal darbo dkıtwe qariwo lu darbo da radoyotho, nafiqo i radoyto du qaloco mu darbo u qlıcla cala nacime-dlo malhaqe dhozın mede.
Bu qlocano dlatyo triso dha howe şatyo u qolıc radoyto, 4 nacime mvayaclın a hayathe u 4 hrene mçarhi. 3 ma nacime dı qtili ahunone’ne uha hreno mçarıh wa nacime d’Dani Abdullah u Layla Jacjac’ne. İ iqarthathe mu cameydan d’Lebnone’yo dımgalwewola l’Australia meqım zabno.
Bıthır mi sbuthathe u froshezwo du athro sımle maqıblonutho camu babo da 3 nacime dı qtili, u makuwle lebe d’ğalabe bnaynoşo dımfarajlın cali maqıblonuthathe. U babo mırwole; Lo kodacno mın gıdomarno, mın kibi domarno cal hawxa gunho rabo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
