08/04/2022

CIRAQ: Quyumto Klara Odişo tlıbla mu qaymaqam d’Alcimadiya da’dyoşe dıkmisomi ma Kurdoye cala n’arcothatho du camaydan d’kolin

İ qoyumto du camaydan bu parlamento du qlimo d’Kurdistan du Ciraq Klara Codişo, sımla socurutho li qritho d’Badırş u laqyo u mgabyo u menyono ma comure di qritho. Camgabıdathe, Codişo bi socurutho dsımla lu qaymaqam d’Alcimadiya tlıbla mene d’şore i sbutho da n’arcotho du camaydan di qritho d’Badırş dıkmidoşi mi xasra da Kurdoye.

08/04/2022

QRTIHO d’BADIRŞ, Ciraq – Arbıco bu yarhano bıthır mdıfrıswo vidio ma n’abne du camaydan u Kaldoyo Suryoyo Othuroyo di qritho d’Badırş bu garbiyo du Ciraq, dıkmahwewo ebe a’dyoşe dıkmisomi cala n’arcothaththe ma Kurdoye da qıryawotho hrene, i qoyumto du camaydan bu parlamento du qlimo d’Kurdistan Klara Codişo sımla socurutho li qritho d’Badırş, ulaqyo u mgabyo wa comure di qritho, bnişo dımcaqbo u qetro du kboşo da n’arcothaththe udımdafco a’zedqaththe a’ruşmoye.

Bıthır mathe Codişo camu mgabyo di qritho d’Badırş, maftela fotha lafa n’arcotho dıkmidoşi ma Kurdoye u mıdla mawdconutho cali aykanoyuthaththe, ubıthır mathe Codişo wu mgabyo sımlın socurutho lu qaymaqam d’Alcimadiya Warşen. Bi ytawtathe dmıştawtaflela ste u mdabrono du ferco di zaricutho Hakar, i qoyumto du camaydan Klara Codişo drışla u qetro da n’arcotho kbişe di qritho d’Badırş u tlıbla dmışroyo.

Ubi netiçe, u qaymaqam d’Alcimadiya dhule amro dmışre u qetrano, mawdacle ste dgdımakle a’farsufe dıksaymi dyoşo cala n’arcotho di qritho d’Badırş, cıl mıdkımdacın dkıtlın tapowiye da mulkone. U qaymaqam mawdacle ste du qetrano gıdmışre lfuth u qonuno da hamşo di şato da 2015 dmawfaqwo mu parlamento du qlimo d’Kurdistan, udkım’akıd dıklozım dmınfıq mqabıl da fulhone du şuhlofo demoğrafoyo dıkmisomi ba n’arcotho da came qalile du qlimo.