CNN Travel frisla mimartho cal Mirde
İ dafo d’CNN frısla mimartho yarıxto cali mdito makthabzabnoyto d’Mırde dıknuflo bu tayman madınho d’Turkiya, cala came mşahlıfe dıkhoyın ebe ucali yortutho catıqto di mdito. Bi mimarthathe dfris CNN kımmo; Mırde dıkdocır u makthabzabnayda l’meqım ban alfayo d’eşne, kıtla bınyone dıkdomın lu dahwo u kthawyotho catiqe bu leşono Oromoyo du camo Suryoyo-leşono dıkmıjğalwo Yeşuc Mşiho ebe.
CNN Travel dkıtyo dafo leşan a socure-a turist, frısla mimartho cali mdito catıqto d’Mırde b’Turabdin. Bi mimarthathe kmitahke calu şufrayda, cala bote, dayre citotho mşahılfotho, masığde, cala came cala haye fşite dıkhoyın bi mditathe dkıtla makthabzabno catiqo dban alfayo d’eşne.
Bebzabno friş duktho la kefe da şurone hewore u mzayne uda kthawyotho dkito aclaye-bu leşono Caraboyo, Oromoyo Suryoyo, Armınoyo, Kurdoyo, Torani u Turkoyo. Dilonoyith kmitahke calu leşono Oromoyo wi ulsoyutho dkıtwole bıgawe du makthabzabno u d’hatte Yeşuc Mşiho mıjğalwo ebe.
CNN kımawdıc, di mditathe cayış ğalabe came frişe ebe u kıtla mdinoyutho catırto ubu doro dan 4-mşatsowa xıd duktho dan Othuroye u duktho ulsoyto’wa lu camo Suryoyo, la Rom, la Byzantoye, Nabatoye uğer. Bebzabno mahke cali cito dan 40 Sohde di cito Suryoyto Orthodoksoyto dbınyo’wa inaqla qamayto 569 bıthır me Mşiho wu arkitektur şafiro di mnortayda.
Camathe’ste griş u zuhoro cala Qurobe Alohoye dhani 700 eşne heş kmisomi bi citathe bu leşono Oromoyo u mahke’ste cali dayro du Zacfaran cala dukotho dhedora. İ bethcatiqotho d’Mırde, dkıtwa meqım duktho di fatıryarxutho du camaydan u Othuroyo Qatholiqoyo, kito athare me Bethnahrin kula, da Rom udu zabno da Cuthmanoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
