U Huyodo Suryoyo d’Amerika frisle egartho du snodo lu rişono du gabo du Huyodo Suryoyo Tibeloyo b’Lebnon İbrahim Murad

The American Syriac Union-u Huyodo Suryoyo b’Amerika-ASU frısle egartho u krıhle u qedomo lo kino dhawi mqabıl du rişono d’USUP İbrahim Murad. Bu şuroyo di egarthathe, mahke cali aykanoyutho dkıtyo ebe ucdo Lebnon wa qetre u casqotho dıkşufco ebeye bu haqlo folitiqoyo, momunoyo u noşoyo.

U Huyodo mahkele d’Lebnon kısuhdo cal şuşote dkito bhaqle frişe, i mudaxala da hayle baroye la şutose du athro wu husrono dhuwlın lu kenşo Lebnonoyo. Bebzabno ASU mahkele cali maqıblonutho dsimowa 10 bu yarhano camu rişono d’USUP İbrahim Murad dım’akadwole calu gzomo dıkmşakıl Hizballah lu camo u dilonoyith la Mşihoye du athro.

Elo Hizballah thımle Murad-bi qroyto lu cnufyo u gzim u rişono d’USUP wa hadome du gabo. U Huyodo Suryoyo mahkele cali xıdme dhuwle İbrahim Murad lu camo hani 2 dore u gawonoyith lu camo Lebnonoyo u dıksonıd i kinutho. Elo ucdo huwe’yo dıkloqe a rdufye uli kinutho dıkmisomo mqabıl dide me hayle gawoye u baroye.

U Huyodo du camaydan b’Amerika mahkele aydarbo kiba Lebnon dnufqo ma tathire baroye u dımhafdo i hirutho kenşoyto wu maşıqlo di demoqratoyutho u dmicadlo i aykanoyutho du momunayda. Hizballa wu İran klozım dımyaqri i şaryutho, i morutho wu sebyono hiro du camo Lebnon ubu tarano ASU sımle qroyto, baroyo dmitaklın a tacçizani dıkmisomi calu rişono du gabo du Huyodo Suryoyo İbrahim Murad u tlıble ma gabe kulle dımyaqri u maşıqlo di demoqratoyutho. Bu huthomo’ste u huyodo m’akadle u snodayde lu rişono d’USUP İbrahim Murad wu ağono dkobe leşan i kinutho.