Erbaş naqla hreto msalele b’Ayasofia bidhe u Sayfo

U waziro di tawditho d’Turkiya Ali Erbaş naqla hreto msalele b’Ayasofya u b’idothe u sayfo, mawxa u tboco froso d’Turkiya mşarele dı dorış u farsufano mın zuhoro kobıc dobe.

 Lfuth a tawdiyotho bu zabno di slutho a noşe ktulbi şlomo u şayno li noşutho, elo inaqla dıha howe b’idothe u sayfo mın ktolıb, latyo idico.

Bi sbuthathe bu yawmo du cedo du qurbono, u waziro di tawditho Maşılmonitho d’Turkiya Ali Erbaş naqla hreto bi slutho dsimole b’Ayasofia tcınle u sayfo cam ruhe. Bıthır mi sluthathe hın ma şutose du tbcoco froso d’Turkiya mşarelın dımşayli mınyo i celtho, qay u farsufano kmoyıd u sayfo b’idothe inaqla dıkmsale b’Ayasofia?

Ha ma farsufe dımfaşaqle i sbuthathe Ertuğrul Özkök’yo dkıtyo u kathowo di sfaryawmo d’Hurriyet dkıtyo qarıwto li şultonutho d’Ankara. Özkök komır; mın remzo kobıc dobe? kobıc dobe egartho dıksaymi fıtuhiyat dımşahılfi a citotho masığde.

Özkök komır; Ono xıd Maşılmono kımşayalno; lmo bhawxa yawmo du cedo? latlan egartho dobina larwal ulu gawoyo d’Turkiya, qay athro b’qrobona aw mınyo hathe? Bi kthawtayde komır; Yaste u waziro kobıc dobe sırto, bu haylo du sayfo dımşahlıf hani dkomarlın kofure di tawditho maşılmonitho?

Bıthır komır; ono u medano kıthawne lo xıd sturyo elo xıd ha farsufo dkobeno madathe u zedqeydiyo dodacno u wazirano qay ksoyım hawxa kımsale bu Sayfo.

Bi sbuthathe u rişono zawgoyo du Huyodo Suroyo d’Urifi ESU Fahmi Vergili frıswole bi dafeyde du twitter i sırto du wazirano, dkıtwo b’idothe u sayfo u mırwole mi celthathe, a Suryoye kımmi lu qtolğenzo da 1915 Sayfo.