Fatıryarxo Mor Afrem II hawile ytawto cami rişathızgado du Swed

DARIMSUQ – İ qadişutho du fatıryarxo d’Antiyuxiya dukule madınho di cito Suryoyto Ortodoksoyto Mor İğnatiyos Afrem Trayono, mıstaqbele i rişathızgado du Swed bı Darımsuq Jesika Svardıstrom. 

Bi ytawtathe d’athyo luhwoyo bu qentrun fatıryarxoyo dkıtyo bi şawtho d’Bab Tuma bı Darımsuq, fatıryarxo Afrem wi rişathızgado du Swed drışlın i aykanoyutho gawonoyto d’Suriya ducdo, u mşalatlın bahro cala şuşote haroye ucala casqıwotho dıkcayşilın a’barmothoye Suriye bu maşıqlano ducdo. 

Li ytawtathe mıştawtafle ste u notarrozo fatıryarxoyo hasyo Mor Awgin Alxuri Nicmat.