Fatıryarxo Mor iğnatiyos Afrem sımle socurutho li cito d’Mor Afrem bi Aşrafiye

İ qadişutho du fatıryarxo Mor İğnatiyos Afrem II sımle socurutho li cito d’Mor Afrem dkıtyo bi Aşrafiye, bıthır ma furqoce dhawın b’Beyrut.

 İ qadişutheyde camu hasyo Mor Thewofilos George Saliba u Mor Qlimis Daniel Gawriye karixi i cito u sımlın buhone calu hrowo dhawi bi cito.

Bi socuruthathe d’Mor Afrem II hadiriwo a 2 hsayo d’Beyrut Mor Thewofilos Georg Saliba di marcitho d’Turlebnon u Trablus u Mor Qlimis Daniel Gawriye camu qliros di marcito wu notarozo du fatıryarxo Raban Jusf Bali.

Mor Afrem karıx i cito u hzele me qariwo u husrono dhawi eba u mşayele me Mor Qlimis Daniel Gawriye cali aykanoyutho di cito u cala hadome di marcitho.

Bıthır mu kroxo Mor Afrem wu kliros dkıtwe acme, mqadamlın slutho d’Aloho mantır u cameydan wu athro d’Lebnon, dfayit me yawmotho casqe dıkdomın lu qrobo gawoyo du athro ba 70’yat. İ socuruthathe d’Mor Afrem II athyo lu hwoyo athmıl yawme d’Hamşo, leşan dhoze me qariwo u mede dhawi b’Lebnon u du cameydan dıkhoye bu athro.