Folhe Turkoye hjımlın cali qritho Bsorino

Adyawmo ba şoce d’safrayto, b’100 folhe du gayso d’Turkiya hjımlın cali qritho d’Bsorino, u bu hboso qaşyo maqimo i şirke du kahrobo u trafo dkito bi qritho.

 İsbuthathe hani zabno yarixo kımdawmo bu tecjizo di şirke du kahrobo, dkıtyo şırke dilonoyto cali qritho d’Bsorino u d’Midin b’Turabdin.

 Bi mawdconutho dmıdlan mu mgabyo di qritho d’Bsorino bi tahrazto msarhabto dsımwolan ba şoce dbıthır me falge d’yawmo mırle; Hani zabno yarixo a cawode di şirkathe du kahrobo kothın la 2 qıryawotho u kmacjızizlan qulnaqla. kothın li qritho cal ışme dkıbci dsaymi şuğlone du kahrobo.

Bıthır mu tecjizano meqım 2 yawme athyo i şırke u abico dımşahılfo a trafowiye du kahrobo di qrito cal ışme dıthomo dılo ithbate dıkmıgnuw kahrobo lo ruşmoyith.

Bıthır mıd a comure di qritho lo maqbelın u medano, adsafro athın a cawode di şirke cam 100 folhe Turkoye u bi zoriye mşahlaflın a trafowiye di qritho.

Umgbayo bu mamleyde mırle; Ahna mırlan li şirke qay bi qamayto u trafo di qritheydan gdımşahlıfitu, bu funoyayde mırla; mawxa. Bıthır mıd a comure di qritho lo maqbelın mıdle adsafro 100 folhe acme u azze li qritho u mşahlafle a trafowiye du kahrobo di qritho.

Umgabyo bu mamleyde mırle; Ahna u mede dıkhozina bi sbuthathe, kito lo kinutho u mawxa lo maqbelan dmisım u medano. Umgabyo Şamcın Guzel sımle qrayto lu cameydan di golutho, dhowın sanode la qıryawotho d’Turabdin dakbar kibe dmızwın sistem di şemşo, dkobe kahrobo la qıryawotho du qlimo.