Fransa gidsaymo baytoyutho l’lumodo emowothoyo leşan Lebnon
Fransa gıdmtayıbo lumodo Emwothoyo, bnişo dmiqafe şroyo lu kriz d’Lebnon. İ wazirutho di baroyutho d’Fransa mawdacla, du lumodano dgımisım bu şuroyo di şabtho dıbqamuthayna, gıdhodarle athrawotho frişe dbritho.
PARIS – U rişqutno d’Fransa Emmanuel Macron tlıbwole ma Lebnonoye bu yarho d’Konun u qamoyo dşafıcina, dımşahlıfi i mdabronutho du athrathe. Ucdo’ste i malılto di wazirutho di baroyutho d’Fransa mawdacla, di şultonutho d’Paris gıdmtaybo yawme d’Tre dıbqamuthayna lumodo emwothoyo dilonoyo leşan u snodo d’Lebnon u bnişo dmışre u kriz du athro.
Anne-Claire Legendre mawdacla, du lumodano gıdmisım bnişo dmıdrış darbo du şroyo du kriz folitiqoyo d’Lebnon dıkmdawım hani zabno yarixo. Lebnon kmidabro me şultonutho zabnoyto u heş mu yarho d’Teşrin u qamoyo dşafıcina, lo mnaqe rişqutno hatho lu athro.
Bu dumyano, Lebnon kıcayşo ucdo u kriz momunoyo rabo du makthabzabnayda wa zuze du athro nahito i qimathe 95 ba mo lfuth u dolar mi şato da 2019 uholucdo. Hol 80 ba mo du camo Lebnonoyo’ste kıcoyış ucdo xıd faqiro ubı aykanoyutho mahişonitho.
Calathe i wazırto di baroyutho Catherine Colonna dıktucno ğamo rabo bi sbuthathe, maczamla mathlone me Amerika, Scudiye, Qatar, Mısır uğer leşan u şeçoco da gabe folitiqoye, dmaydi i mşaluthathe u dmawfıqi u athro mu krizano. Elo heş latyo idico, en mathlone Lebnonoye gıdhudri bu lumodano.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
