Gabo hreno b’Australia, sımle qroyto li şultonutho du athro dmawdıyo ba qtolğense dsimiwo cala tlotho came Armınoye, calu camaydan ucala Pontus Yawnoye beyn da eşne 1915-1923

MELBOURNE, Awtraliya – U gabo; Bi Qamayto i İqartho, mawdele ruşmoyith bu qtolğenso dsim calan Armınoye, calu camaydan ucala Pontus Yawnoye bu zabno du qrobo qamoyo dbritho. Bıthır mi mawdyonuthathe, u gabo sımle’ste qroyto li şultonutho d’Australia dmawdıyo bu qtolğensano dsımwola i mamlaxtho da Cuthmanoye cala 3 came Mşihoye.

U gabo; The Family First, tlıble mi şultonutho dmıştawtıfo cam ba casrowat d’athrawotho hrene; beynothaye Amerika bi mawdyonutho bu qtolğensano dsımwo beyn da eşne 1915-1923. U gabo mawdacle, du qtolğensano mşarewole tahte du ışmo di kampanya d’Gallipoli wa Australoye dkıtwın yasire, hawın’wo hın ma sohude qamoye dhzewolın u mede dsımwo ba Mşihoye.

U gabano, ha ma gabe dıksonıd u nişo du İnsiyativ mşawtıfo di kinutho dıkmişakıl ma gabe u şutose da 3 came dmafitiwo bu qtolğenso. Awkith u inisyativano mşatıs ma 3 camani dıkhoyın b’Australia, bnişo dfulhi camhıdode li mawdyonutho du qtolğensano dkıtyo ha ma qamoyo du doro da 20.

U inisyativano kımawdıc, bi mawdyonutho bu qtolğensano kibe dhowe şıkıl d’huthomo li trawma dcayşi a nubğe wa sohude du Sayfano. U gabo The Family First, kıtle 100 mraşhe la guboye federaloye 3 bu yarho d’İyor u acmaye’ste mraşhe lu senato d’marcıyotho frişe. U gabano kobe’ste şudoyo, en dothe dmaydi duktho bu Senato gıdsaymi hboso leşan i şultonutho’ste dmawdıyo bu Sayfo dan 1915.