Gabriel Soma hule maqırhonutho calu groşo da haylawotho d’Amerika mu athro du Iraq

U hadomo di sicto mşawronitho du rişono d’Amerika Donald Trump Gabriel Soma dkıtyo ma abne du cameydan mawdacle d’Amerika, Urifi wu Iraq kdırşi u groşo da haylawotho d’Amerika mu Iraq.  Soma mırle: u droşo dkowe dmıgroşi a haylawotho d’Amerika u b’dukthaye dmitahıt a haylawotho du NATO dsaymi u duyoqo da marıhbone dkito bu qlimo.

Bıthır mu talab dhawiwole u parlemento wi şultonutho du Iraq da haylawotho d’Amerika dnıfqi mu athro, mşarele droşo bayn Amerika u lu huyodo d’Urifi wu NATO dmıhze şroyo li sbuthathe komır u muşawır d’Trump Gabriel Soma.

Lfuth i maqırhonutho dıfrisole Soma lu tboco froso komır a droşani matın lawyutho d’Amerika gurşo a haylawottheyda mu Iraq u dmitarkuw haylawotho du NATO bu Iraq laşan dlımıtre xalyutho la marıhbone u haylawotho hrene dsaymi cboro cala thume du Iraq.

Soma bi maqırhonutheyde komır ono kımhaymano dıgmıtre qariwo l’5alfo folhe Amerikoye bu Iraq bıthır mıd mitarıkwi a haylawotho du NATO bu Iraq.

U medano  mşarele dımıdrış bıthır mıd hawiwo talab mu parlemento u mi şultonutho du Iraq dnıfqi a haylawotho Amerikoye dkıtne bu Iraq.