Guteres sımle sturyo u qedomo da pwelıs d’Amerika

Bi sbutho da tagılyotho u da hfuxye dkımdawmi mqabıl di tuxmonoyutho dımşarewolın bıthır mu mawto d’Georgo Floyd u notarrozo d’Emwotho mhaydotho Antonio Guteres hule maqırhonutho.

 Guteres bi maqırhonutheyde komır u qedomo da pwelıs d’Amerika lu fulhonathe ktore di tuxmonoyutho d’zaydo u mibarbızo bıbritho xıd hawi ucdo.

A tagılyotho wa hfuxye dımbarbıziwo bıbritho a rişone wa mşale d’Athrawotho mşahılfe hulın maqırhonwotho bi sbuthathe.

Ucdoste u notarrozo d’Emwotho mhaydotho Antonio Guteres hule maqırhonutho dıthımle u qedomo da pwelıs d’Amerika la sıbwothani tırele dmote u maşıqlano larke.

Guteres bi sbuthathe ba yawme qamoye qrewole l’thnihutho u kul noşe dsoyım harake lu şayno u dılo mahıt nafto cali nuro, elo ucdo komır u şıkıl du qedomo da pwelıs d’Amerika la msoke gawonoye ktore dmıxlıq hfuxyo mqabıl da bneymothoye d’Amerika u dathrawotho hrene mşahılfe.

Ba yawmotho haroye naqisi a tagılyotho wa hfuxye elo i sbuthathe fayito li ruşmoyutho du maktbazabno d’Amerika dsim hfuxye ğalabe mqabıl du furşono dkito bayn la kome u la hewore d’Amerika dkıtyo isbuthathe sbutho maktabzabnoyto da haye d’Amerika.