Hasyo Saliba Özmen mhanele UNESCO cal dmahıtle hın ma citotho u dayre Turcabdin bi yortutho maktabzabnayto

U metrofolito di marcitho d’Mırde u d’Omid Mor Filiksinos Saliba Özmen, frısle egartho dımhanele eba i dawse dımhalqola UNESCO, dmahıtla hın ma citotho u dayre d’Turabdin xıd mraşhe li lohithayda di Yortutho maktabzabnoyto.

Bi egartho dfrısle i mcalyutho d’Mor Filiksinos kımahke cali fsihutho dhawilın, dmido Mırde xıd mdito da amne u omunwotho du camo.

U hasyo komır; Ba fulhone dmaşele u camaydan bu lobby u bi propoğanda, qadirina dmotina li netiçe, dhın ma catiqotho du cameydan dmimodi li lohitho zabnoyto di yortutho makthabzabnoyto du tukoso d’UNESCO.

Bi egarthathe mahkele u hasyo dkıtyo fsihutho rabtho lu cameydan da bınyone makthabzabnoye dkıtlan dmidi l’UNESCO.

U metrofolito komır’ste; Klozım dsaymina fulhone zıttır leşan dmitahto Mırde cama amne u umonwotho dkıtlan wa bınyone hrene da citotho u dayrotho makthbzabnoye bi lohitho ruşmoyto di yortutho makthabzabnoyto d’UNESCO.