HNB bu athro d’Swisra mtayable hfitutho mşahlafto laşan a neşe

U Huyodo da Neşe d’Bethnahrin-HNB dilonoyith u fırcayde d’Swisra, kul şato kımtayıb hfitwotho mşahılfotho bi cohnutho du yawmo da Neşe Falıhyotho dı Britho 8 Odor.

 Elo mi celtho du virus di Corona, jbir HNB b’Swisra dımşahlıf adşato ışmo i tahraztayde.

 Ha ma fırce hfite du Huyodo da Neşe d’Bethnahrin bu tuyobo dfulhone u hfitwotho bu yawmo d’8 Odor u fırco d’HNB d’Swisra’yo. Elo u virus di Corona d’jbırle britho wu kenşo kule dsoyım şuhlofo ba hayayde a yawmoye, HNB d’Swisra’ste jbir dorış aydarbo gıdmcayıd adşato 8 Odor u dmathkır u ağono dhuwlın a neşe b’britho udu camaydan.

Calathe bi harayto HNB b’Swisra mıdle fusqono lfuth a tedbire mqabıl di Corona, dhuwe dsoyım socurwotho la neşe du camaydan u dımcayaydlın bu yawmo d’8 Odor. HNB mtayable tahrazto leşan a kantone frişe d’Swisra wa hadımyothayde sımlın socurwotho la bote dba mowat d’neşe du camaydan.

Cal ışme d’HNB mqadım lkull hdo menaye wardo xıd remzo di hubo udu iqoro calu dawro dhawilın bıgawe du kenşo, cali xıdmathe leşan u şuşoto du ağono da neşe bu mrodo dkobın leşan a zedqathe uli şawyutho beyn da ğense. A neşe kulle dmatilın u duşnano d’HNB, bı fsihutho rabtho mıstaqbelın u mqadamlın a tahınyothathe la hadımyotho du huyodo.