HPG frısla maqırhonutho calu htofo di eqartho d’Diril

HPG dkıtyo u haylo du Gerilla di PKK frısle maqırhonutho calu htofo d’Şmuni Diril u Hurmuz Diril mi qritho d’Mehre b’Hakkari. 

 İ PKK dıkmıthomowa mu tboco froso Turkoyo bu hawbano, bi maqırhonutho dıfriso kmawdıci dhınne latne a hayobe elo ktıhmi a hayle d’Turkiya.  

U tboco froso turkoyo thımwole u gerilla di PKK dı htıfwole u zawgo d’Şmuni u Hurmuz Diril 11 bu yarho d’Konun u Haroyo bi qrithaththe d’Mahre d’Hakkari. Calu hawbo marirona u Gerilla di PKK bi maqırhonutho dıfrısle 14 bu yarhano d’İyor lu tboco froso hule mawdıconutho.

Bi maqırhonuthathe kmitahto i mşalutho du veyoco du zawgo d’Diril bıqdolıd du fulhono kontra dıksaymi a hayle d’Turkiya bu qlimo. U kmitawmır, idicoyo di athto u gawro Şmuni u Hurmuz Diril dkıtne Kaldoye mvayci mi qarithaththe.

Bhaq du gedşano kmitawmır, bu yawmo dhawi u hawbo a 2 mdinoye hfiti mu baytaththe me 3 farsufe dıksaymi fulhono di kontra bu qlimo, qtili u mhalqi a şladataththe la maye du nahro d’Hezil.

Hurmuz u Şmuni Diril dkıtne i emo wu babo du kohno di cito Kaldoyto Remzi Diril htifiwo mu baytaththe di qritho d’Mehre. 20 bu yarho d’Odor i şlado d’Şmuni Diril dkıtyo cımra 65 ışne mqafyo ba maye du nahro dkıtyo qariwo li qritho u mcafyo bı Stanbul.  Elo Hurmuz Diril heş mvaycoyo ulo mıte luwe.