HPG hule i netije du mınyono da sohdeyde u da qtiloye da haylawotho turkoye

A Haylawotho du sutoro du camo-HPG, maglelın calu menyono da Mharbonathe dmatın lu darğo di Sohdutho wa qtiloye du gayso Turkoyo bu zabno da taxtuşe dhawın ba turone d’Gare bu garbiyo du Iraq.

 Camgabıdathe, mtayıb b’Boğdod tagılyotho mqabıl da hçome dıksaymo Turkiya calu garbiyo du Iraq, wu tbocofroso Franşoyo grışle u zuhoro cali şultonutho d’Erdoğan dıkmihadıdo mi claymutho bethsawboyto.

A Haylawotho du Sutoro du Camo-HPG, dkıtyo u gefo folhoyo di PKK frısle maqırhonutho cali netiçe da cuqobe dsımwole u gayso kaboşo d’Turkiya aclaye 10 bu yarhano d’Şbot ba turone d’Gare bu garbyo du Iraq. Ahçomani da hayle kaboşe, hthimiwo yawme d’Huşabo dşafıcina.

İ HPG makadla, d’15 mu gerillayda matın lu darğo di Sohdutho u 2 hrene msiki yasire me Turkoye bu zabno da hçome uda taxtuşe haroye dhawın beynothaye.İ HPG mawdacla’ste, beyn da 15 Sohdayda kıtwoste u mşalo du hbuşyo kıtwo bgawe a 13 folhe Turkoye, dımsikiwo heş ba 2015. Turkiya mdacewola, dqtiwola 51 gerilla u dımsıkwola 2 u bebzabno thımwola’ste u gerilla bu qatlo da 13 folhayda dkıtwın yasire b’maşritho di HPG.

Elo u malolo di PKK m’akadle, da folhani qtiliwo bu cuqobo oyaroyo dsımwola Turkiya cali maşritho. İ HPG mawdacla’ste bu zabno da taxtuşe haroye dhawın, qtiwolın hol 37 folhe Turkoye. Adyawma menyono ma bnaymothoye du Iraq layimi bi arişkoyto d’Boğdod, leşan dmahwın u hfuxyathe mqabıl da hçome dıksaymo Turkiya calu garbiyo du Iraq. A mtagılyone ba lohiyotho dtcınlın uba slogane dmazcaqlın krıhlın i siyase dıkmaşyo Turkiya wi mudaxala folhoyto dıksaymola bu Iraq.

Bıthır mıd layimi a mtagılyone, a hayle di mşaynutho sxırlın a darbone dkıtne qariwe li rişizgadutho Turkoyto. Camgabıdathe, a protesatwiye dıkqoşın ba botaysawbo d’Turkiya, kull dkothe kmacçızi u rejim Turkoyo dıkmıstacmıl u cnufyo mqabıl dıthe. İ sfaryawmo Franşoyto d’Lofigaro bu taşroro dfrısla kmawdıco di şultonutho d’Erdoğan dıkmıştabhır eba u dıkmaşela bu darbo di siyasayde i baroyto, ucdo kmihaddıdo ma tagılyotho da yolufe bethsawboye.