HPG qtila 31 folhe Turkoye b’Haftanin

A hayle kaboşe d’Turkiya dkıtne bu garbyo du Iraq, hzelın husrono rabo bu zabno da cuqobe u ba taxtuşe dhawın bakmo yawme haroyani b’Haftanin.

 Bi maqırhonutho dhuwle u qentrun du tbocofroso da Haylawotho du Sutoro du Camo-HPG mawdacle, du gerilla qtile 31 folhe Turkoye.

Lfuth i maqırhonutho dhuwle u qentrun du tbocofroso da Haylawotho du Sutoro du Camo-HPG, a hayle kaboşe d’Turkiya dkıtne b’Haftanin bu garbyo du Iraq, axilın dharbo qşitho bu zabno da taxtuşe dhawın beynothaye ba 3 yawme haroyani.

Calu kboşano da hayle Turkoye dımşarewole meqım yarho cal Haftanin, mawdıc du gayso Turkoyo kımnase 11 bu yarhano dımqarıw li tılle d’Kartal u d’Sohdo Birhat dkıtne bi fnitho d’Betorya. U şuşotano d’Turkiya mtahqıb mu gerilla u calathe sim cuqobe b’3 dukotho frişe u qtil 7 folhe Turkoye u mınyono hreno mjarhi.

Bcayni fnitho, sim 3 hfitwotho du sabotaj yawme d’Şabtho safrayto u qtil 6 folhe u 5 hrene mjarhi. Bu zabno da taxtuşe dhawınste, matın 2 gerilla lu darğo di sohdutho. 12 bu yarhano, a hayle di naşfe d’Turkiya matın l’Dola Beraza uli tılle d’İdirme, elo u gerilla hjımle me 3 dukotho cala Turkoye u qtilın 3 folhe.

Bu zabno da folhe abici dmahzımi mi duktho, sımla i HPG hjome hathe u qtila 5 folhe hrene. Bu Van’ste qtil 5 folhe Turkoyo bı cuqobo dsımle u gerilla. B’Axula manhatla Turkiya folhe ma helikoptere ubi netije nafıq taxtuşe camu gerilla u 3 mharbone nafili Sohde.