HUNGARIA: Viktor Orban, sımle qroyto la qoyume du parlamento dmaqbıli i muraçaca di hadomutho du Swed lu huyodo du NATO
U rişwazire d’Hungaria Viktor Orban, sımle qroyto la qoyume du gabayde dkıtne bu parlamento du athro, dmaqbıli i muraçaca di hadomutho du Swed lu huyodo du NATO. Camathe’ste u rişwazire du Swed mawdacle, da droşathe dcam Turkiya bi sbutho di hadomutho bu NATO, gıdmşarın naqla hreto bu yarho dıbqamuthayna.
Ma hadome du NATO, kıtwo belhude Hungaria u Turkiya mqabıl du cboro du Swed u d’Finland lu huyodo folhoyo. Elo ucdo kımahwe d’Hungaria, mşahlafla u renyayda bi sbuthathe. U rişwazire Viktor Orban tlıble ma hawronayde du gabo dkıtne bu parlamento d’Hungaria, dımmi E lu teqbilo di muraçaca di hadomutho da 2 athrawotho d’Skandinavia lu huyodo du NATO.
U ajans da tebe d’Reuters mawdacle, lfuth Orban kito folitiqore du gabayde dlatne thnihoye cali hadomutho du Swed u d’Finland lu NATO u lfuth u renyo d’Orban, Hungaria klozım dsundo a muraçacatani. Mawdıc’ste bi şabtho dıbqamuthayna, kmıntır du parlamento d’Hungaria dmoyıd i sbuthathe lu yawmoyayde u bıthır 7 bu yarho d’Odor mıdmisım quwolo acla.
Bebzabno u rişwazire du Swed Ulf Kristersson mawdacle lu froshezwo du athro, da droşe dbeyn du Swed, Finland u Turkiya gıdmitabın naqla hreto b’falge du yarho dıbqamuthayna. Elo u rişwazire labıc dobe siqumo m’akdo la droşani u mırle’ste; Kito siqumo mbayno, hano latyo mede ğnizo elo ahna kınutrina me Turkiya bi qamayto dım’akdole.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
