I mahrhıbonitho suryoyto Lina Ishaq hkimo lı 12 ışne hbuşyo bu Swed
İ marhıbonitho d’Dacış Lina İshaq, hkimo l’12 eşne hbuşyo bu Swed, bu hawbo du qtolcamo uba hawbe du qrobo cal dmıdwole tışco Ezidoye xıd yasire u grece bu baytayda b’Raqqa d’Suriya. İ dacwa d’Lina İshaq dkıtwa mu camaydan u Othuroyo du Cıraq, grışla u zuhoro du tbocofroso Emwothoyo. İ marhıbonitho qalibo’wa Maşılmonitho u mıştawtafwola l’Dacış ba 2013 u nahitowa l’Suriya cama hamşo nacimayda.
Lina İshaq mawlıdo’wa ba 1972 umu camaydan u Othuroyo du Cıraq’wa u qayimo bi mdito d’Halmstad du Swed. Qayimo xıda claymotho hrene kulle u mıştacyowa esfirreğlo. A haye d’İshaq mşahlıfi kamiloyith, bıthır mıd qalibo Maşılmonitho u mıdla u ftakar tuhmonoyo qaşyo du tukoso marhıbono d’Dacış. İshaq cama 5 nacimayda nahito’wa ba 2013 l’Suriya ucayşowa cama marhıbone b’Raqqa.
U gawrayda u tre man abnayda’ste qtiliwo ba taxtuşe b’Suriya. Bıthır mu dcorayda lu Swed, ftıhwo dacwat frişe mqabıl dida; beynothaye ma hawbe du qtolcamo, hawbe mqabıl di noşutho, hawbe du qrobo. U fusqonano du bethdino d’Stockholm’ste kmifaşıq makthabzabnoyo, cal dhathe inaqla qamayto’yo d’noşo kmıhkım bu hawbo mqabıl di noşutho bu Swed.
Bu zabno d’İshaq cayşowa b’Suriya, htıwo 9 Ezidoye; 6 nacime u 3 neşe dsimila grece u yasire sida. Maşyowa rdufye barbroye u kıtwola qedomo qaşyo ulo noşoyo mqabıl da Ezidoye u jubrowalın lu yulfono Maşılmono, l’teşniqe u rdufye u mahwıyowalın flime da icdame da Ezidoye ma marhıbone d’Dacış.
U nişo ideolojik dkıtwola İshaq, dquşco a Ezidoye’we wu hawbano mdawamwole beyn da 2014 uhola 2016. İshaq meqım’ste hkimowa lu hbuşyo cala hawbe dsımwola b’Suriya ucamu fusqono dmid athmıl, mçazyo 16 eşne hbuşyo. Elo cal dheş meqım msıktowa bu hbuşyo, manhıt u msombrişo l’12 eşne u Lina İsahq gıdmıçboro dobo 14 alfo euro tazminat lkull ha ma 9 dıbhani da Ezidoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
