İ rişonutho zawgoyto catıqto du gabo d’DBP Sebahat Tuncel mşrela bi taklitho du kafno

Sebahat Tuncel İ rişonutho zawgoyto catıqto du gabo d’DBP dkıtyo msıkto bu hbuşyo hula fusqono dımşaryo bi taklitho du kafno.

 Tuncel bi taklithayda du kafno knıfqo mqabıl di siyase di izole dıkmitaşyo calu rişono di PKK Abdullah Öcalan.

 İ rişonutho zawgoyto catıqto du gabo demoqratikoyo da qlime DBP Sebahat Tuncel hani zıd me 4 ışne hbıştoyo bu bhuşyo d’Kocaeli. Tuncel dı fsıqla dcıbro li taklitho du kafno gıdmaydo duktho bu grub tlithoyo da farsufe dkıtne bu kafno.

Meqım mathe u qoyumo catiqo du Gabo Demoqratikoyo da Came HDP di mditho d’Omid Çağlar Demirel mawdacwole dımşarele li taklitho du kafno.

Bıthır mıd mawdıc gıdmişare bi taklitho du kafno sim hjomo cala qelayotho du hbuşyo dkıtne bınne a folitiqoyotho xıdi rişonutho zawgoyto dmeqım HDP Figen Yüksekdağ, Gülten Kışanak, Gülser Yıldırım, Aysel Tuğluk, Sebahat Tuncel u ğer. Mahıtwo ido cala qanye u kıthowathe.

Lfuth i mawdıconutho dı friso bu ajans da tebe d’Fırat, beyn da mdone dmahıt ido aclaye kito i egartho ruşmoyto d’Tuncel dıkmawdıco eba dımşarele li taklitho du kafno. Mbayınste bi egarthayda Tuncel kıtla talab dmişadro lu hbuşyo dkıtyo ebe Abdullah Öcalan dkıtyo b’İmralı.