Surto: Medyanews
14/02/2023

İ şultonutho d’Boğdod mıdla fusqono dmısim buhono cala zayne kimyawi dmıstacmela Turkiya calu gerilla di PKK

İ şultonutho d’Boğdod mıdla fusqono, dımşatso komisyon leşan dsoyım buhone cala zayne kimyawi dmıstacmela Turkiya calu gerilla di PKK bu garbyo du Cıraq. Lfuth i mawdconutho dhiwo mi şultonutho, tlib mu rabhaylawotho gawonoyo da hayle folhoye du athro, dımşatıs u komisyonano me mşale mi şultonutho d’Boğdod umi şultonutho d’Arbil.

14/02/2023

BOĞDOD — U makthbo du rişwazire du Cıraq, sımle qroyto lu rabhaylawotho gawonoyo da hayle folhoye du athro, dımşatıs komisyon dilonoyo mşawtıfo me Boğdod umi şultonutho du qlimo d’Kurdistan, leşan dsoyım buhone cala zayne kimyawi dmıstacmela Turkiya bu garbyo du Cıraq calu gerilla di PKK. 

U mkaktho mawdacle, du nişo du komisyonano dgımişatıs, dsoyım buhone cal mın şıkıl zayne u foqucotho du fosfor mıstacmele u gayso Turkoyo ba hçomayde dcalu garbyo du Cıraq’yo. Hathe’ste, cal di sagiyoyutho da zaynani dmıstacmıli, mqabıl da qonune Emwothoye’ne.  

U qoyumo Cıraqoyo Soran Comar frısle u fusqonano u mırle; U şekolo d’komisyon mşawtıfo beyn Boğdod u Arbil leşan dmiqafe ithbate dmıstacmela Turkiya zayne kimyawi u ğaz msamımono cali PKK’yo. Lfuth a Haylawotho du sutoro du camo-HPG, ba 2022 mıstacmewola Turkiya 3.280 naqlat zayne kimyawi ba hçomayda calu qlimo.