İ Şultonutho Turkoyto kıbco dmaqimo i hasinutho d’qoyume mşahlıfe me gabe mşahlıfe

İ şultonutho Turkoyto, kıbco dmaqimo i hasinutho d’10 qoyume saqıbloye; beynothaye hadome di HDP  u di CHP acmayeste u rişonayde Kemal Kılıçdaroğlu.

İ wazirutho di kinutho d’Turkiya, mqadamla i rmoytathe lu parlamento du athro, leşan dmimodo i hasinutho da folitiqore saqıbloye, dıkmıthomi bu snodo di marhıbonutho.

Athmıl mqadım lu parlamento d’Turkiya lohitho d’10 ışmone d’folitiqore leşan dmimıd fusqono dmitaqimo i hasinuthathe. Bi rmoytathe kito 8 qoyume di CHP; beynothaye u rişono Kemal Kılıçdarloğlu u 2 qoyume di HDP. A qoyume di CHP kmibıc dmimodi i hasinuthathe calu broşyr dfrıswolın calu zawco d’Fethullah Gülen. Wa qoyume d’HDP’ste xıd kull naqla kmıthomi bu snodo di marhıbonutho.

İ lohitho di rmoytathe mqadmo lu parlamento mi wazirutho di kinutho d’Turkiya, leşan dmimodo i hasinutho da qoyume-bnişo bıthır dqudri dhukminne me thome dlatne şroro. Ucdo’ste u Komisyon mşawtıfo di kinutho udu nomuso du parlamento gıdmoyıd i sbuthathe li ido u gıdoraşla.

Camgabe d’Kılıçdaroğlu, kito’ste Muharrem Erkek, Yunus Emre, Ahmet Tuncay Özkan uğer. A 2 qoyume d’HDP’ste Ayşe Acar Başaran u Kemal Bülbül’ne. Me gabo hreno a mşale Turkoye, mamsaklın’ste i rişonitho zawgoyto d’HDP b’Omid Hülya al Lukman Uyank ma thome dkıtyo hadımto b’tukoso marhıbono. U bethdino fsıqle dobe 7 eşne u 6 yarhe hbuşyo l’Uyank.