İ taşdarto dı DEM parti, hawila knuşyo camu rişono du Huyodo Athronoyo d’Kurdistan Bafel Talabani

SLEMANIYE – İ taşdarto du gabo di şawyutho udi demoqratoyutho da came dı DEM parti, hawila adyawma knuşyo camu rişono du Huyodo Athronoyo d’Kurdistan Bafel Talabani bi mditho di Slemaniye bu qlimo d’Kurdistan du Ciraq, bnişo dnıqlo an’egrotho dımşadrile Cabdalla Öçalan udmitaqwe u maşıqlo du şlomo b’Turkiya.

İ taşdarto d’Emralı maftela athmıl fotha li mditho di Slemaniye bıthır ma ytawyotho dhawiwola cama rişone Kurdoye b’Arbil. İ taşdarto dı DEM parti awkith d’Emralı kmişaklo mı Perwin Poldan um’Sare Suraya Önder, umu rişono zawgoyo du gabo demoqratoyo da qlime Kaskin Paynder uma hadome di sictho da n’esore baroye du gabo. 

İ taşdarto d’Emralı kımdawmo dsaymo a’knuşyayda, bnişo dnıqlo an’egrotho d’Öçalan la gabe folitiqoye kulle du qlimo d’Kurdistan, udmitaqwe u fhomo wi methcadronutho bayn da hayle folitiqoye mşahılfe, bnişo dmişarır u şlomo wi şalyutho b’gawıd di fnitho.

İ taşdarto d’Emralı dı DEM parti, kmıntır ste dhowela lqoyto camu hadomo du makıthbo folitiqoyo du Huyodo Athronoyo d’Kurdistan bu taro du teqwiyo di sdirutho bayn da gabe Kurdoye, ulaşan dmi’akıd dkıtne b’fusqono kamilo dmitarku u şlomo udmıbne u dactid folitiqoyo mşawtfo.

Meqım mathe, i taşdarto d’Emralı hawiwola şişaltho d’ytawyotho camu hiğmuno d’Arbil Omid Xoşnaw, camu rişono du gabo Demoqratoyo d’Kurdistan Mascud Barzani ucamu rişono du qlimo d’Kurdistan du Ciraq Neçirvan Barzani. Ba ytawyothani drışwo sebwotho ulsoye dkıtlın asirutho cami aykanoyutho folitiqoyto du qlimo, u maşıqlo du şlomo b’Turkiya wa n’esore bayn da gabe Kurdoye.