İbartho di eqartho d’Be Diril huwla maqırhonutho

Bi sbutho du htofo di iqartho d’be Diril layto lo ha farsufo dkımşayıl acla kımo ibartho d’Hırmız Diril bu twiter dkıtla.

Gulcan bu twitter kımo lo belhude a mulkone da qalilotho mahıt ido aclaye elo cala bnaynoşoste mahıt ido, dakbar  dkıtne qalilutho.

İ eqartho be Diril dıhtifiwo bu yarho du ha u bıthır dımqafyo i şlado d’Şmuni Diril u tebo me Hırmız Diril layto.

Bi sbuthathe i bartho da htifoye Gulcan frısla u qahıreyde calu darbo du twiter dkımo lo balhude gniwi u mahıt ido cala mulkoneydan da qalilotho, elo gniwi u mahıt ido cala hayeydanste. Man gıdbeli emi? Man gıdbeli Babi? Qay kcayşina b’Athro dkıtyo a haye du barnoşo hakka raxis awste cal dkıtna qalilto noşo lıkımşayıl aclan? Marulan mın zarar hulan alxu, hathe i maqırhonutho dıfırsola i bartho da htifoye di İqartho d’Be Dirilyo.

Bıthır mi maqırhonuthathe ksaymo maqırhonutho hıreto dkıtyo harıftır metul du kewo d’leba lıkmıthnıh dhani ba yarhe layto tebe ma haye du babo. Gulcan kımo: mın ksaymutu la mithe dlıkmiqafın dani dıqtilınxun da qalilotho, kımina krıhmina u athreydan, u cafreydan, u athreydi kobeli i şlado d’emi u la ha abre d’Aloho lıkımşayıl a noşani haykone.

Bi sbuthathe dhawila zabno d’zıtır me 5 yarhe kmahwe mıqa i şıltonutho du athro kmakiwo rişa mi sbuthathe, lo b’athro dsim qtolcamo u mahıt ido cala citawotho u maqılbi masığde u mahıt ido cala mulkone xıd mırla i Gulcan lıkımşayli cala more da mulkonani.

Mathlo lu medano i cito diqritho d’İŞŞİ dkıtyo bi fnitho d’Şernaq dı htifo iqartho dbe Diril  bıthır mıd simowa masığdo da maşılmone ucdo tıryolın lruha wa ganowe mamtyolın lı shofo bu kroxo dcala yaqirotho.

Bu tebo dıfris bu tboco froso d’Turkiya kmitawmır bıthır mıd a Kaldoye di qritho d’İŞŞİ dıjbir dımgalwın cabiri a maşılmone li qritho u sımlın i cito masığdo komır Mehmet Nuri Oran dktyo ha mane.

Oran komır bıthır mıd ahnaste nafiqina mi qritho bi şato da 1993 i cito fayişo lıruha ubdela dnıflo u bıthır aganowe mşarelın dcıfrila u mahırwila.

Bhawxa athro kibın mored da citawothaniste mıhtofi wi şıltonutho lıkımşaylo mın hawi.