İDC sımla sturyo 3 senatore dlıkseymi fulhone makfiyone laşan u sutoro da Mşihoye

3 senatore Qutnuthoye d’Amerika, simi sturyo cal dlıkmaşın fulhone makfiyone leşan u sutoro da Mşihoye du Madınho Mescoyo.

 U tukoso Emwothoyo du Sutoro da Mşihoye sımle qroyto la senatorani, dılo torın a Mşihoye du qlimano cal idothaye u fothaye elo dhowın sanode bu duyoqo di mşaynutho da qalilothani.

 U tukoso Qatholiqoyo In Defense of Christians (IDC), mşadarle egartho u mawdacle ilo thnihuthayde la 3 senatore Qutnuthoye Rand Paul, Kevin Cramer u David Perdue, cal dlıksundi a qalilotho tawdithoye Mşihoye du Madınho Mescoyo.

U tukoso mawdacle dkito bsirutho rabtho da fulhone da 3 senatorani leşan u snodo du terkiwo da zedqe noşoye u dmibayın qonuno mqabıl du duyoşo da qalilothani bu Madınho Mescoyo. Bi egarthathe u tukoso mbayanle lohitho da ışmone, du darğo dmahıt cal kull senator Qutnuthoyo u Demoqratoyo calu snodo dıkmahwın la Mşihoye du qlimano.

In Defense of Christians mawdacle, da came Mşihoye bşıkıl sistematik kmisım rdufye aclaye bu Madınho Mescoyo me şultonwotho dkıtne bcelıdboboye u tlıble me Amerika, dmıstacmılo u darğayda leşan u tekliyo da hawbani dıkmisomi cala Mşihoye, dilonoyith ma marhıbone d’Dacış uğer hayle folhoye u folitiqoye du qlimo.

Mawdıcste da 3 senatore Quthnuthoye mahıtwolın klayto mqabıl di mawdyonutho bu qtolğenso dan 1915, dmibayın butje leşan dmitaklın a rdufye u dmınfıq mqabıl d’Turkiya wu dyoşayda cala zedqe noşoye da Mşihoye uda came hrene dkıtne b’Suriya.