İndipendent maşmacla ahfitwotho dsımla imğaltho d’Sabro calu leşono Suryoyo

İ sfaryawmo d’İndipendıt u ferco du leşono Turkoyo ebe dıfrısla maşmacla la qaroyeyda a fitwotho dsımla imğaltho d’Sabro wa şutose hrene dkıtne acma.

Bu tebano i sfaryawmo kmahıkyo du leşono Suryoyo ha ma leşone catiqoyo mawxa ulsoyoyo dmihafıd acle laşan dlomivayıc.

Bu tebo dıfrısla isfaryawmo d’İndipendıt mahkela cala talabe dhawilin a şutose dımdelın cami sfaryawmo d’Sabro i mawdconutho dıfriso bu leşono Suryoyo u bu leşono Turkoyo.

Bıthır mıd kmitahke cali ulsoyutho du leşono Suryoyo dkıtyo ha ma leşone catiqe di duktho ulsoyoyo dmınfaqle moro.

Bi mawdconutho dıfrısla i sfaryawmo d’Sabro cama şutose hrene kmitahke calu hboso u calu mnoco dhawi, mqabıl du leşono Suryoyo wa leşono hrene di duktho mawxaste krayzi a talabe dkıtlın mi şıltonutho du athro d’Turkiya.

İ nuqto qamayto dmihalıq dawsat dmimodi baynothaye u leşono Suryoyo dmimid u sutorathe u dmitawlıfi.

Mitahwın a zedqe du tewlifo du leşono Suryoyo u dmıftıh madraşyotho ebe mu taraf di şıltonutho

U leşono Suryoyo dıkmilıf  ba athrawotho hrene dmitaqbıl leşono akedemikoyo u dmitazidi a kıthowe wa mlue hrene ba bethsawbe u madraşyotho.

Micawni a şutose du tboco froso du leşono Suryoyo.

Mitaqimi a casqwotho u tırpılyotho dkito qumu telifo du leşono suryoyo lfuth u qyomo d’emwotho mhaydotho da zedqe da nacime dımdela Turkiya acle bi şato da 1995.

Aşutose dıfrıslın i mawdconuthathe Cami sfaryawmo d’Sabro  u Federasyo da hudro Suryoye SUDEF  u hudro di awyutho di mardutho Suryoyto d’Turcabdin,

U hudro di awyutho di mardutho Suryoyto d’Mırde

U hudro Suryoyo  d’Ciwardo di mardutho u teriwo da mlue di zarocutho

U hudro di calymutho Suryoyto, u hudro d’Kafro du quyomo u di awyutho

U hudro du quyomo d’Enhıl u du sutoro da citawotho wi awyutho di mardutho,

U hudro da dayre d’Nsibin u da citawotho wı awyutho di mardutho

U hudro da neşe Suryoye.