İsbutho d’Dayroyo Aho mşarele dgurşo u zuhoro dı qoyume dı athrawotho d’Urifi

İ sbutho du fusqono lo kino dhule u bethdino qlimoyo du athro d’Turkiya bhaq du rişdayro di dayro d’Mor Yahkub d’Qarno mşarele dgurşo u zuhoro da qoyume dhın ma athrawotho d’Urifi.

U qoyumo du gabo d’Lineral du Swed dkıtyo ma abne du cameydan Robert Hanna mşayele şuwole li wazırto di baroyutho du Swed Ann Linde di şıltonutho du Swed mın gıdsaymo laşan i sbutho du dayroyo.

U qoyumo Robert Hanna huwle mawdconutho calu qlimo d’Turabdin dkıtyo malyo ma citotho u dayre du camo Suryoyo Othuroyo u kali calu Sayfo dsımwo bu qlimano calu camaydan wu ucdo u bethdino d’Turkiya, kobe fusqono bhaq d’dayroyo dkowe moro lhdo ma dayrani d’Turabdin.

Hanna  bi egatho dımşadrole li wazırto di baroyutho du Swed, kımşayıl şuwole li şultonutho bi sbutho du dayroyo Aho Bilecen d’hkim belhude cal dhuwle lahmo u maye lhın farsufe. U mawdacle di sbuthathe latyo mede hathto, hani zabno yarixo u camo Suryoyo Othuroyo kfoyış bu falgo du qrobo dbeyn du gerilla da Kurdoye u di şultonutho d’Turkiya.

Ucdoste u dayroyo dhuwole fusqono dımacmır i dayrathe kmitahwele hbuşyo. Hanna bi egarthayde komır; U gelyunoro şaryo Nuri Kino frısle mimartho cali sbuthathe du dayroyo bi sfaryawmo Global. Leşani i wolitho di şultonutho du Swed udu Huyodo d’Urifi dmahti hboso cal Turkiya dmaqimo a thomani mcalu dayroyo.

U qoyumo Robert Hanna bu huthomo kımşayıl mi wazirto Swedoyto-en hadırtoyo dım’athro calu Huyodo d’Urifi, leşan dsoyım hboso cal Turkiya bi sbuthathe.