James Jeffrey mawdacle d’Rusya kiba dmawfıqo u İran me Suriya

U mathlono d’Amerika b’Suriya James Jeffrey mırle; en kito athro dkibe dmawfıq u İran me Suriya, u athro d’Rusyayo dkıtle tathir rabo bu athro.

 Bu mamlo dsımle Jeffrey mawdacle, du rejim d’Suriya kıcoyış hboso rabo u Mosko kiba dhuwyo ale bu şroyo du kriz folitiqoyo d’Suriya.

U mathlono dilonoyo d’Amerika b’Suriya James Jeffrey dkıtyo bebzabno u mathlono d’Amerika bu koalisyon Emwothoyo huwle maqırhonutho lu tbocofroso meqım mi socurutho dsımle li mditho d’Geneve d’Swisra. Bu zabno di socurutathe kmıntır d’Jeffrey dorış u maşıqlo folitiqoyo d’Suriya dilonoyith a şuşote du maşıqlo du şekolo di sictho du tuyobo du nomuso esonoyo d’Suriya.

A droşaniste, gıdmisomi cama mathlone Urifoye u d’Rusya. I dafo Amerikoyto d’The National frısle u mamlano d’Jeffrey d’mırle; u rejim d’Suriya kcoyış hani zabno yarixo hboso rabo u Mosko kiba dmıştacyo dawro, bu şroyo du krizano d’Suriya. Rusya kıtla dawro rabo b’Suriya u kiba dımaqnıco u rejim li tablitho da droşe u dmawfıqoste u İran mu athro.

U mathlono Amerikoyo mırle; bu cboro da hayle Rusoye l’Suriya ba 2015 dilonoyith da hayle oyaroye, mşahlafwolın u maşıqlo dheş kımdawım hol ucdo. U İran latle mabuce lo hayle di naşfe u loste hayle oyaroye b’Suriya leşan dmote l’zoxutho folhoyto. Wu Al Asad dfayış holucdoste, mu snodo d’Rusyayo u calathe belhude Mosko, kiba dgurşo u rejim li tablitho da droşe.

James Jeffrey mırle; U rejim dmaqbele bi harayto dmişakıl sictho du nomuso, mu hboso u mu teqnico d’Rusyayo u ahna ktulbina mena dmıstacmılo u teknikano calu rejim zıttır bnişo dmitakle u krizano. U rejim klozımste dmaqbıl u sebyono da came d’Suriya kulle hatta da came du garbyo u du madınho du athro.