Karayılan hule funoyo la mamle da mşale d’Turkiya cali sbutho da cuqobe dısmiwo cal Gare

U hadomo di Sicto Mşablonitho di PKK Murat Karayilan hule funoyo la mamle da mşale d’Turkiya bhaq du cuqobo dsımwolın calu gerilla di PKK ba turone d’Gare.

Bi mawdconutho dhule Karayılan mawdacle d’Turkiya lo makşarla bu cuqobano mawxa’ste maqşela a mşalayde u leşonathe xıd Soylu dmırle; En dmıskina Karayılan, gıdmancmina i şladeyde l’falqe..

Bi mawdconutho dhule Karayılan bi maqıblonutho dsimo acme myaqarle u mwasafle u mrodo dhulın a haylawothathe mqabıl ba mowat d’Folhe Turkoye cama tayısyotho u zayne yaqure dkkıtwolın.

Karayılan bhaq da mamle dıksaymi a mşale di şıltonutho d’Turkiya mırle metul dlı makşarlın bu cuqonbano mşarelın ba dugle u  ba mamle qaşye u fıtnat laşan dımkasın i zıcfiye dhawlin bu cuqobano dımdawamle 4 yawme dı qrobo.

Bhaq du waziro di gawoyutho d’Turkiya Suleyman Soylu dmırwole en dlı mıskina Karayilan u sayminale faqle inaqayo, tro kul noşe sımlan sturyo u tolıbn hasab menan  Mırle en dmişayıl mina Soylu ha ma mdaglone rabe di şıltonuthoyo metul naqa ğalabe mırle matımlan i PKK gıdmtininala u hata naqa mane huwole siqumo du tetibo di PKK, be bzabno bıthır mıd lo makşarlın bu cuqabao d’Gare u leono dkule qaşi, elo bu şıklano laybın motın lı duktho mqabıl du ağuno du camo kurdoyo dkobe.

Karayılan sımle qrayto ste li şıltonutho d’Turkiya u mırle en kmıtyaqnitu lu mede dkımuto di PKK qtila a mdinoye mşaderu taşdarto tro saymo buhono bhaq du hcomano, laşan dnıfqo i şrolutho mın hawi.

U hadomo di sicto mşablonitho di PKK Murat karayılan bi mawdconutho dhule mırle: a yaqrotho da yasire dı qtili tro duthci Turkiya lı sımla u cuqoabno laşan dı mxalsı a yasire elo kıtwole nişo dmohe darbo li PKK , metul hul adyoma noşe lo tlıble a yasirani menan u lo noşe sımle esore acmeyna bhaq dıde.

Aha masrena ba qonune noşoye u kowina moro la yasire dkıtne sidan u bi sbuthathe ste a hawroneydan hulın nafşaye qurbono qma yasirani u mahuyone du fusqanao dhawi qatlo ebe Erdoğan uwu waziro du Sutoro Hulusi Akkar ne.