01/03/2021

Kımdawmo imwatyutho dhawi bayn du İran u d’Turkiya

İmwatyutho bayn du İran u d’Turkiya kımdawmo, ba yawmotho d’şaficina i wazirutho di baroyutho d’Turkiya qrewola lu rişızgado du İran laşan dımzahrole bhaq da mamle dsımwole u rişızgado du İran dkıtyo b’Boğdıd.

U hcomo dıksaymo Turkiya cala turone du athro du İraq u dilonoyith cali fnitho d’Şigur trela di mwatyutho dkito bayn lu İran u l’Turkiya dımdawmo ba mamle dıksaymi a mşale datre athrawotho mqabıl dıhdode.

Ba yawmotho d’Şaficiwena u rişizgado du İran dkıtyo bu İraq maqrahwole d’Turkiya kdayşo i morutho du athro du İraq ba hcome dıksaymo cali fnitho d’Şigur, u be bzabno u rişizgado mırwole d’Turkiya klozım migroşo me gawe da thume du İraq la thume dkıtla.

Bıthır ma maqırhonwothani i wazirutho di baroyutho d’Turkiya qrewola lu rişizgado du İran dkıtyo b’ankara Muhammad Ferazmend laşan dımzharle cala mamle dsımle u rişizgathe d’Boğdıdı İrec Mescid.

Bu zuhoro dhula i wazirutho di baroyutho lu İran mırle u İran latle haq dsoyım sturyo Turkiya u bu caks du medano klozım u İran köle cam Turkiya bu ağuno dkobo mqabıl di marıhbonutho, elo bi sbuthathe u rişizgado du İran dkıtyo b’Boğdıd bi maqırhonutheyde lo mahkewolw calu ağuno di marıhbonutho aw xeyr mede belhude mırwole Turkiya latla zıdqo dımmo mede bhaq d’Şigur u be bzabno lı kowe dsaymi ixlal dcıbro cali morutho du İraq.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…