Mabde inisyativ Awyutho cama Mşihoye dıkmırdofi u dıkmidoşi bu zabneydan

U Lumodo da Hsayo d’Almanya dheş ma 2003 kımaşe fulhone, mabdele inisyativ bu ışmo; Awyutho cama Mşihoye dıkmırdofi u dıkmidoşi bu zabnaydan’.

 Bu inisyativano, mbayın u siqumo d’26 bu yarho d’Konun u qamoyo dıbqamuthayna xıd yamo di slutho leşan a Mşihoye d’Suriya u du Iraq.

A hsayo Qatholiqoye d’Almanya fsıqlın dsaymi slutho mşawtafto leşan a Mşihoye dıkmırdofi bı britho dilonoyith d’Suriya u du Iraq. İsluthathe gıdmisomo 26 bu yarho dıbqamuthayna bu inisyativ dmıdle u Lumodo da Hsayo d’Almanya.

U hasyo Ludwig Schick d’Bamberg mırle; İ aykanoyutho da Mşihoye, heş kıxulqo ğamo rabo hem b’Suriya u hemste bu Iraq. Walaw u gayso ğlıble a marhıbone d’Dacış, u camo Mşihoyo dheş bu qentyo u kmırdıf. İ marhıbonutho d’Dacış huwla husrono rabo lu qlimo lı zabno yarixo. Elo i qalılto Mşihoyto naqla hreto lo trela mu athrayda u fayışo ba dukothayda a makthabzabnoye.

Hasyo Schick dsımwole meqım zabno socurutho l’Suriya u lu Iraq mawdacle u moral dmıdwole cali jasara dmahwewolın a Mşihoye u dfayşi masre bi citathe ubi haymonuthathe. U hasyo mırle; Walaw a hawbe d’Dacış xlıqlın trawma u mazıcle a Mşihoye, naqla hreto lo qadır dığolablın u bu şıkılano, mıştacelın a citotho b’Suriya u bu Iraq dawro rabo li ithutho du camo u gawonith bu Madınho Mescoyo.

Bebzabno u Lumodo da Hsayo d’Almanya kali cali ulsoyutho du yulfono u du teqwiyo du dialog beyn da tawdiyotho, da haye mşawtıfe u du şlomo wa tawdiyotho kulle camhıdode, kibın dmotın lu nişo bu sutoro du neshono du barnoşo u da zedqe asasi u di hirutho. U Lumodo da Hsayo makadleste dgımdawmi u snodathe la Mşihoye dıkmırdofi bı britho u dilonoyith la Mşihoye d’Suriya u du Iraq.