Macron mowdacle i tahrazto du rkowo di şultonutho d’Lebnon

U rişqutno d’Fransa Emmanuel Macron mawdacle i tahrazto da fulhone du rkowo di şultonutho d’Lebnon, laşan dmiqadım mcadronutho lu athro dı docır naqla hreto cal rağlothe.

 Bıgawe di tahrazto dımahıtle Macron, kito şartat leşan folitiqore d’Lebnon u bebzabno komır; En a şartatani dılo mitanıhti la haye, kibe u athro d’Lebnon horıw bnaqla hıdo.

Emmanuel Macron bi tahraztathe dımşadrole la mşale Lebnonoye, kroyız a fulhone wa şartat dıklozım amşale du athro dmafiti la haye, leşan dmiqadım mcadronutho lu camo d’Lebnon. Bi qamayto Macron komır; kılozım bzabno karyo, dmişatıs şultonutho joburto dıkmafitıt a tedbire u dhuwyo tahte du duyoqo di banka dı britho.

Da tıre, klozım dmihadır zabno wu şartat d’guboye msarhıbe u cal xayifo dmisım u hethotho di duktho dhawın a furqoce. Dmisım şuhlofe momunoye u bebzabno dmimıd tedbire mqabıl du virus d’Corona. Bgawe da nuqzani dkitoste dmisım duyoqo cala şuşote dıgmisomi kulle.

U rişqutno Franşoyo Macron, bi egartho dımşadrole la mşale d’Lebonon tlıble dmisım buqore şarye cala celotho, d’qay trın a mluwe dımfarqıci b’Beyrut, hawxa zabno yarixo bu lmino di arişkoyto. Bi maqırhonutho dsımwole Macron dkıtwe u rişono qamoyo dsımwole socurutho l’Lebnon bıthır ma furqoce mırwole; Gıdhowina mcawnone l’Lebnon, elo bşart, da folitiqoye dmanıhti a talabaydan la haye.

Bu mamleyde Macron komır; Lebnon inaqla dmanıhto a şartani la haye, inaqlayo gıdmicawno me kull gabo dılo u athro kibe dmıshıf bnaqla hıdo.