Mahwe hfuxye mqabıl di wazırto di baroyutho du Swed Ann Linde

Bıthır mi maqırhonutho du rişono d’Amerika Jo Biden dmırle hawi qtolğenso cala Armnoye i wazirto di baroyutho Ann Linde bi maqırhonutho dhula lu tboco froso lo mırla qtolğenso elo hawbe sagiye.

Bıthır mi maqırhonuthathe farsufe mu cameydan u hın mu tboco froso du Swedste mahwele hfuxyo mqabıl di maqırhonutho di wazrto du Swed.

Bi maqırhonutho dhula i wazırto di baroyutho du Swed Ann Linde  bhaq di maqırhonutho du rişono d’Amerika Jo Biden dmırle hawi qtoliınzo bi şato da 1915 lo mırla qtolğınzo elo hawbe sagiye dhawın, cali maqırhonuthathe farsufe mu cameydan u hın manne dkıtne bdarğo d’fılitiqore.

Hdo ma farsufe dıgrışla u Zuhoro Maria Hınd Aliias dkıtyo bu gabo da Sosyal demoqratoye mi mdito d’Eskilstuna, İ maria bu funoyo dhula l’Ann Linde aydarbo kiba i wazırto di baroyutho du Swed saymo xıd Erdoğan dkomır calu sayfo.  Bu mamlo dhawilan Cami mariya dkıtyo i rişonitho du hudro S di şawyutho u dımqabıl di dişutho du nıshono u mqabıl tuhmonoyutho dkıtyo hudro da sosyal demoqratoye kımmo ono laybi maqıblono di wazırto di baroyutho du Swed dmalxo bcayni darbo dkomır Erdoğan dhawi qatle elo latwolın niş odu qşoco.  i Maria bu mamleyda mırla a cedoneydi ne dı qtili bu sayfano hano qtolğınsoyo u latyo mede hreno, ono gımdawmono bu ağuno dımqabıl di wazirutho di baroyutho du Swed hul dımmo hawi Sayfo calu camo Suryoyo.

U mşalo da esore baroye du huyodo Suroyo d’Urifi Metin Rhawi ste ha ma farsufe dmahwele hfuxyo mqabıl di wazirutho di baroyutho Ann Linde calu darbo du nawlo komır: aydarbo i wazırto ko qudro dımmo calu qtolğınzo  hawbe sagiye inaqa bamowat mbahnone mawdelın dkıtyo qtolğınzo.

Farsufo hreno bayn dani dmahwelın hfuxyo mqabıl di maqırhonutho d’Ann Linde Aday bethkıneyo dkıtyo folitiqoro qlimoyo me Botkyrka du Swed. Aday bi maqırhonutheyde komır i wazırto di baroyutho du Swed Ann linde manıkronitho du Sayfo xud ğalabe ma sosyaldemoqratoye baynothaye Stefan löven u margot Wallström, bu dumyano dıksaymi a sosyaldemoqratoye kmağişi u sayfo u lo şrolo kmışğoli. Cıl mıd u parlemento du Swed mawdele dhawi qtolğınzo i şıltonutho du Swed dkıtyo bi rişonutho da sosyaldemoaqratoye dhulın wacdo dmawdın bu sayfo ucdo bıthır mıd u rişono d’Amerika Biden maqıbıl dkıtyo Sayfo i wzirto di baroyutho du Swed kımmo hawbe sagiye hawın u kmanıkro u sayfo komır Aday bethkınne.

Be bzabno u tboco froso du Swed kdorış i sbutho du sayfo d’qay i wazırto di baroyutho kımmo calu Sayfo dhawi calu cameydan u cala Armnoye hawbe sagiye u lo qtolğızo.