Malfono Aho Gabriel Mhase bu athro d’Kanada

Bi mditho d’Monteryal bu athro d’Kanada, nqil ma hayani malfono Aho Gabriel b’cımro d’90 ışne.

Umnoho Aho Gabriel farsufo hfitowe bu haqlo umthoyo, marduthoyo u kenşoyo du camaydan ba hamşiyat du doro dşaficina ham bu athro d’Suriya u hamıste b’Lebnon.

 Yawme d’Cruto dşaficina, nqil ma hayani malfono Aho Gabriel (Abu Namrud) b’cımro da 90 ışne bi mditho d’Monteryal bu athro d’Kanada. Mnoho Gabriel farsufo idico u hfitowe bu hudro d’Alrafidayn du sport bi mditho d’Qamışli ba hamşiyat u ba ıştiyat du doro dşaficina, u mqadamwole mşablonutho la şutose du camaydan u Suryoyo ba nathrawotho d’Suriya, Lebnon u bi golutho.

Mnoho Gabriel hadomowe bi gudo da boduqe Suryoye bi mditho d’Qamışli u mıştacyone d’esfireğlo we heş ma narbıciyat du doro dşaficina. Malfono Aho Gabriel kıthule bu haqlo du sport ba sferyawme di mditho d’Qamışli u di Gozarto, u ftıhwole betharke bi şuqo qentrunoyto bi Qamışli bu ışmo i betharke d’Alrafidayn.

Mnoho Gabriel cami iqarthayde maftewole fothe lafu athro d’Lebnon i şato da na’1970, u bıthır me şato mgalwewole lu athro du Swed u fayışwo ebe balhude ışto yarhe. İ golutho du Swed fqıhwola a reğşe du cuhdono di mditho d’Qamışli, u mşarewole dkothu mimre cali mditho d’Nsiwın i catıqto u Nsiwın i hathto awkith Qamışli Zalin.

Bayn da mimre dıkthule Aho Gabriel u dhawın mele da zmirotho, kito Habibi Sargon, Ninwe karıxto cami hotho, u kıthuli ışmex cal wardo.

Mnoho Gabriel bıthır mu dcorayde mu athro du Swed l’Lebnon mıştawtafwole la fulhone di mdabronutho di hfitutho d’Unesko di mardutho u du folklor Suryoyo bi mditho d’Bayrut. Uba cadcide dımtaybiwo i şato da 2007 uda 2009 bu Swed u b’Qamışli, u mnoho Aho Gabriel huwo ele myaqronutho xıd farsufo hfito bu hudro d’Alrafidayn.