Maqıdşayto Zekiye Çalma Messo mhasyo mu kewo di Corona

İ emo du mşatsono d’Suroyo tv Adnan Kulhan Çalma Maqıdşoyto Zekiye Çalma Masse mhasyo bu athro d’Hollanda bıthır mıd qayıthwola u kewo di Corona.

Maqedsheyto Zekiye Çalma Messo mawlıdo 10 bu yarho d’Ob bi mditho d’Mıdyad.

I mhasayto bartho di Sitto u Israyel be Messowa, dsımle rişutho bi şawtho dıb Sacido b’Midyad. Kıtwola 5 ahunone u 4 ahwotho.

I Maqedşeyto Zekiye b’Messo mzawğo ba 1951 cam Maqedşoyo Hanna be Çalma u fayişi 67 ışne mzawğe cam hıdode hul dımhase Maqedşoyo Hanna bı cedo zcuro ba 2018.

Bi şato dan 1965 Maqedşoyo Hanna athi lı Hengelo xıd Suryoyo qamoyo idico bayn u camaydan xıd ha ma mşatsone di cito u di Suryuyotho b’Hollanda.

Bu yarho da tmınyo 1969, grışle u Maqedshoyo Hanna i Maqedsheyto Zekiye l’Hengelo cami iqartho kula: i Sevim, i Aytan, u Kenan, u Adnan, i Servet wi Yvon.

Lfuth du cumrayda da 86 ışne, i Maqedşeyto bı hulmono towo u hustowa. Elo yawmed hamsho casriye mitawbılo lu bayto da kayiwe cal dkıtwola hrara celayto. bı mıde dıkmo yawme cal ğaflike, cal fothe du kewo di Corona athmıl mhasyo.

Yawmeh dhamşo, 15 bu yarhano, gıdmıtloyo bi dayro d’Mor Afrem b’Hollanda, ayko dıkmihaydo camu Maqedşoyo Hanna. Cal dıkito Corona, balhude anabne wanabnotho didah kıben dhowen hadire dı tulbi xater mena.

Ahnaste bışmıd di mdabronutho d’Suroyo TV, ktılbina rişo basimo li iqartho ula nacime di Maqıdşoyto Zekiye Çalma Masse, uktılbina me Aloho dhuyo duktha bi malkuthayde.