Maqidşoyo Gawriye Bektaş dbe Bıhno mdaşın şukono cal dımharabwole bu qrobo di Qore
Ha man abne du camaydan u Suryoyo dkıtwe folho bu gayso d’Turkiya, qayıthle şukono mi izgadutho d’Qore i Taymnoyto dkıtyo b’Amerika. Maqıdşoyo Gawriye Bektaş dbe Bıhno dıkhoye ucdo b’Los Angeles, mçarahwo bu qrobano d’Qore dkıtwe beyn da eşne 1950 uhol 1953.
LOS ANGELES – 22 bu yarhano, sımwo socurutho dilonoyto l’maqıdşoyto Gawriye Bektaş dbe Bıhno dıkhoye b’Los Angeles d’Amerika. Bı zawho dsim, mdaşın u maqıdşoyo şukono cal dımharabwole bu qrobo beyn da 2 Qoreat bi şato da 50’yat u dımçarahwo yaquro bu qrobano.
Bi rişizgadutho d’Turkiya dkıtyo b’Los Angeles, hadır taşdarto mi izgadutho d’Qore ubi mıştawtıfonutho d’mşale Turkoye frişe di rişizgadutho, maslım u şukonano lu maqıdşoyo Gawriye ubebzabno, i taşdarto d’Qore i Taymnoyto mqadamla tahınyotho lu maqıdşoyo calu ağono dhuwole.
U maqıdşoyo, ha ma 15 alfo folhe Turkoye, dmıştawtafwolın cam Amerika, Britania, Kanada, Yawnan, Fransa, Beljika u Luksemburg lu qrobano dbeyn di Qutnutho Demoqratoyto da came d’Qore-awkith Qore i Garbyoyto d’adyawma udi Qutnutho d’Qore-awkith d’Qore i Taymnoyto dkıtwe ban 1950 uholan 1953.
Bu qrobano qtılwo 2.5 milyone dıbnaynoşo u Turkiya dgrişowa kulonoyith me Qore ban 1966’ste mvayacwola 721 folhe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
