19/03/2021

Mbayın u siqumo da guboye şnize du parlamento d’Armenia

 Mbayın u siqumo da guboye şnize du parlamento d’Armenia. 20 bu yarho d’Hziron, mbayın u yawmo dgımisomi a guboye gawonoye du athro.

 İ mawdconuthatheste, frisole u rişwazire Nikol Panşinyan bi dafayde du nawlo.

U rişwazire Nikol Panşinyan athmıl mırle; ucdo hawili ytawto camu rişono du gabo saqıbloyo du Şuşoto d’Armenia Gagik Tsarukyan u bu droşo dhawi beynothayna, m’akadlan du darbo towo dkulle leşan dmitawfıq u athro mi aykanoyutho folitiqoyto harıwto dkibe adyawma, dmisım guboye gawonoye şnize’yo.

Paşinyan mırle’ste; Bıthır ma droşe dhawiliste camu rişqutno u cama rişone da gabe hrene du athro, mbayanlan u siqumo d’20 Hziron dıbqamuthayna leşan a guboyani. Ba guboyani dgımisomi, klozım u camo dobe u qolayde u dımbayni man gıdmdabarle bu dactith.

Bebzabno a rişone da gabe hrene’ste frıslın egrotho ba dafathe u m’akade u siqumano du tuyobo da guboye gawonoye d’Armenia. U gabo du Şuşoto d’Armenia meqım mawdacwole dlıgmqadım mraşhe la guboyani elo ucdo m’akadle, dcal qariwo gıdobe u fusqonayde u haroyo bi sbuthathe.

Bıthır mu qrobo dhawi’wo beyn Armenia u Azerbaijan u acma Turkiya calu qlimo d’Nagorno Qarabax, sımwola Rusya mescoyutho beynothaye ubi netiçe mdewo qyomo. Cal dan Armınoye hzelın dhıne xasiri bu zyodo mu qyomano’ste, mabdewo tagliyotho mqabıl du rişwazire Paşinyan u tlıbwo dmıstacfe mi wolithayde u dmisım guboye gawonoye hathe bu athro.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…