Mqafe athare catiqe du cameydan bimditho d’İdlib

Lfuth aluhe catiqe dımqafın, u qlimo d’İdllıb b’Suriya dkımdawım hani ışne u qrobo ebe, duktho maktabzabnoyto catıqtoyo u hıdo ma dukotho dımşatso eba imdinoyuthoyo.

 Ba luhani dıqrın dıkmote u zabnathe l’2500 eşne meqım me Mşiho, kımahkın cali mdinoyutho d’Ebla.

 İnaqla dıha kıhofır tahte da bınyone u tıllat dkıtne b’Suriya, gıdnofıq tahtaye mardwotho u athare du makthabzabno du cameydan dkıtle ışmone mşahılfe xıd Oromoy-Othuroye-Bebloyo u ğer.

Be bzabno kito ğalabe dukotho dlo hfiri dkito tahtaye makthabzabno dlo gle u mawfıq mın mdinoywotho u mamlaxyotho hkımlın cala arcothani, dhani zıttır me 10 eşne kımdawım qrobo aclaye. Bu qrobanoste layto noşo zakoyo ebe, star ma hayle dkubci hukmi me hatho a dukothani dkıtyo u makthabzabno wi mdinoyutho du cameydan.

Ba luhe dımqafın b’İdlib bi duktho dıkmitamırla Tel Mardih, kımahkın cali mdinoyutho dkıtwa hakımto meqım me Mşiho b’2500 eşne dıkmitamırla i mdinoyutho d’Ebla.

Ba luhani dımqafın bi dukthathe naqla hreto mıthabatlın, da dukothani du camo Suryoyowın dımşatasle a şutose da mdinotho uda mardwotho d’fayiti cala arcothani. Ucdo abne di mdinoyuthathe kobın mrodo cal cayni arcotho leşan dmaydi a zedqathe a umthonoye.