Mşarela i Sunadus di Cito Suryoyto Orthodoksoyto bu athro d’Lebnon

Mşarela i Sunadus di cito Suryoyto Orthodoksoyto bi fatıryarxutho dkıtyo b’Catşane d’Lebnon.

Cali zminutho di qadişutho du fatıryarxo Mor İğnatiyos Afrem II, hadıri adyawma a hsayo mcalayo wa kohne di cito, li Sunadus qadışto.

Cali zminutho di qadişutho du fatıryarxo Moran Mor İğnatiyos Afrem II, mşarela adyawma safrayto i Sunadus qadışto di cito Suryoyto Orthodoksoyto d’Antiyoxiya u dkule madınho, bi fatıryarxutho di cito dkıtyo bi Catşane d’Lebnon.

Lfuth a cadat wa qonune di Sunadus, hadır i qadişutho du fatıryarxo, da hsayo wa kohne di cito dlaymi me athrawotho frişe dbritho bi fatıryarxutho. Ubu şuroyo, mrayşanle i qadişuthayde u Qurobo Alohoyo dsim u futoho di Sunadus.

Bıthır ma mamle dımqadmi, qrın a sebwotho du yawmoyo dgımıdroşi bu knuşyano u ruhonoyo dgımdawım hol yawme d’Şabtho dıbqamuthayna dkıtyo 26 bu yarho d’Hziron. Bıthır mi Sunadus’ste, gıdmıfroso i maqırhonutho du huthomo, a tahrazyotho wa fusqone d’midi.