Mtayıb tagliyotho qaşye b’Malmö du Swed

Bıthır mıd mawqıd qurcan da Maşılmone b’Rosengård di mditho d’Malmö du Swed, mtayıb tagliyotho u nafıq taxtuşe qaşye beyn da Maşılmone u du polis.

 Cala taxtuşani dhawın athmıl, maqwele adyawma u polis Swedoyo i ithuthayde leşan u duyoqo di mşaynutho di mditho.

Athmıl yawme dı Cruto, mido ihirutho dbeyn 10-20 farsufe dhawilın sawco bu cnufyo u ba taxtuşe qaşye dhawın b’Abmiralsgatan u Rosengård d’Malmö dıknuflo bu tayımno du Swed. Ujğuşyano hawi bi mditho, bıthır mıd mawqadwo u qurcan da Maşılmone u dımhalaqwo ba rafse ba zabuqone.

A comure di mditho dı shıdlın calu jğuşyano dhawi mawdaclın, dhol 300 farsufe hjımlın calu polis. Elo bıthır u poliste jbırle amtagliyone dmıgroşi u bu şıkılano, mdawamle u jğuşyo ba şoce wa Maşılmone bdelın dımhalqi kefe bu polis u mjarıh hın menaye. Kiban dobina mıcne lu ruğzo da mtagliyone, elo latte haq dmahrıwi i mditho.

A Maşılmone mawqadlın radoyotho u bınyono b’Amiralsgatan. U Danmarkoyo yaminoyo qaşyo Rasmus Paludan, mahıt acle 2 eşne mnoco dcobır lu Swed, cal dkıtwole plan dmıştawtıf lı taglitho leşan u tewqido d’qurcan dgımitalıfwo bı basro du brozo. Calu tewqido du qorcan b’Rosengård, heş lo msik noşo.