Mustafa Kocak nqil ma hayani bi hfitutho du kafno lu mawto

U hadomo du gurup Yorum du Muzik Mustafa Kocak nqil ma hayani bıthır me 297 yawme dı kafno dkıtwele nişo dı tolabwo bethdino kino dıhowe.

Lfuth i mawdconutho di nuqazto da sniğre dkıtwole mawdaclın dıgmitahwe lu qawro b’Stambıl.

Mustafa Kocak dımsıkwo cal teşkiyo dıha farsufe ğnizo mawxa mahwewole hfuxyo mqabıl du msokano dılatyo kino u latyo lfuth a qonune noşoye dkito.

Mustafa Kocak dkıtyo hadomo di gudo d’Yorum dkıtne idice bazmaryotho di ahutho u di mhaydonutho u cali demoqratoyutho, msik latyo idico, metul u farsufe dıkmitawmır dımaşkele acle latyo idico, u en kito hawxa farsufoste latyo idico, mawxa Kocak mabdewole kafno du sawmo dıkmawbıl lu mawto.

Bi hfituthathe Mustafa Kocak tlıbwole dmisım bethdino kino u lo mede hreno bıthır en u bethdino dhowe kino mıhkım dobele hadiroyo dı maqbele.

Elo idicoyo b’Turkiya bi şıltonotho dkıtyo mu gabo d’AKP lıkmaqıblo lo noşe dhowe rınyo dıtolıb mede mşahılfo. Mawxa bıthır mu kafno du sawmo d’297 yawme mvayacle a hayeyde.