09/09/2020

Nafıq yuqdono ba karme u arcotho di qritho d’Zaz

Lfuth u tebo dmatilan athmıl qadıh nuro ba karme u ba arcotho di qritho d’Zaz.

 İ nurathe bzabno karyo camu snodo di hawa mbarbızo ba karme arcotho

Bi mawdconutho dımatilan athmıl, i nuro qadiho bi qritho d’Zaz u bıthır mıd kıtwo hawa hısto mbarbızo beyn dhın ma bote di qritho u friso beyn da karme u arcothayda.

Lfuth i mawdconutho dmatilan, i nuro friso camu snodo di hawa dkıtwo cala arcotho u turone da qıryawotho dhedor Zaz xıd Derıkfan u ğer qıryawotho dkıtne şbobe.

Xıd kıtyo idico bu qayto zabnotho sagiyotho kowe yuqdone ba qıryawotho du cameydan u ba qıryawotho hrene du qlimo. Bi şabthathe a karme u arcotho d’2 ma qıryawotho du cameydan dkıtne b’Turabdin yaqidi.