NATO kımdawım bi wolithayde bu Iraq
U waziro di baroyutho du Iraq Fuad Hussein, hawile ytawto camu rabhaylawotho du NATO bu Iraq Givanni Lannuççi, leşan durşi i methcadronutho folhoyto dkito beyn du Iraq udu huyodo du NATO.
BOGHDOD – Lfuth i wazirutho di baroyutho du Iraq, u waziro Fuad Hussein wu rabhaylawotho du NATO calu Iraq Givanni Lannuççi drışlın a fulhone dhawın holucdo beynothaye bu haqlo di mşawronutho uda droşe folhoye da hayle di mşaynutho du Iraq, wi methcadronutho dhawyo beyn du NATO udi wazirutho du sutoro du Iraq udi wazirutho di mşawronutho di mşaynutho athronoyto.
Lannuççi mhanele i methcadronutho msimonitho dhawyo beynothaye uba fulhone dsimi leşan dmımte la nişe dımbayni u m’akadle cali olsoyutho du terkiwo dımşaynutho udi şalyutho bu Iraq u gawonoyith bu qlimo kule.
U NATO wu Iraq kalın bıthır cali dawse hreto dıklozım a 2 gabe dımhalqi bu haqlo folitiqoyo udu snodano dlowe belhude folhoyo udi mşaynutho. U terwiho da fulhonani du NATO bu Iraq athi lu hwoyo, bıthır ma droşe dıkımdawmi bu Iraq cali ithutho d’Amerika bu athro.
Grube folhoye du Iraq, krufdi i ithutho Amerikoyto elo latte mede mqabıl da fulhone du NATO, walaw Amerika hdo ma hadome rişoye du huyodoyo uba esore dıkmaşyo cam Boğdod. U misyon du NATO bu Iraq, markawo ba 2004 leşan dımdarış a hayle Iraqoye, bıthr mu fusqono dmıdwole u mşalo Amerikoyo Paul Bremer leşan u şroyo du gayso Iraqoyo bıthır mu qrobo dmabdewola Amerika bu athro ba 2003.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
